صح ولا غلط

2009-06-18T12:43:00.003+03:00

البقاء لله يا حبيبا الي قلبي

ستظل حيا في قلوبنا الي ان نلتقي بك يا صديقي

بالامس كنا رفقة واليوم اصبح في الكفن .. ياللمصائب اذ اتت في دهشة تنسي الوطن .. فاروح اذكر مامضى من صحبة كنا معا .. كنا نسير احبة فتزول اهات الحزن ..

واليوم صار بمرقد فردا وحيدا في السكن .. ساظل اذكر مامضى من صحبة تنسي الزمن وسأدعوا ربي ان يجمعنا تحت الظلال بلا وثن

لبيك اللهم لبيك

2009-03-09T16:57:00.003+02:00

لبيك اللهم لبيك

أبقيت لهم الله ورسوله

2009-01-13T19:27:00.011+02:00

في غزوة تبوك، حثَّ النبي ( على الصدقة والإنفاق، فحمل أبو بكر ماله كله وأعطاه للنبي (، فقال رسول الله ( له: "هل أبقيت لأهلك شيئًا؟" فقال: أبقيت لهم الله ورسوله، ثم جاء عمر -رضي الله عنه- بنصف ماله فقال له الرسول: "هل أبقيت لأهلك شيئًا؟" فقال نعم نصف مالي، وبلغ عمر ما صنع أبو بكر فقال "والله لا أسبقه إلى شيء أبدًا" [الترمذي].

انا حاسس أني اول مرة اسمع القصة دي مع ان الواحد سمعها مئات المرات بس عمري ماكنت متخيل الموقف

دلوقتي بس استشعرت هذا المعني العظيم والذي لم يفعله سوي سيدنا ابو بكر في هذة الغزوة مع انه كان خارج يجاهد ايضا بنفسه

حقيقي الواحد بيسأل نفسه هو احنا مستنيين ايه تاني عشان نجاهد بأموالنا بعدما وصل عدد الشهداء في الحرب الجاريه علي اهلنا في غزة الي اكثر من 970 شهيدا واكثر من 4500 حريحا والعدد في تزايد مستمر

حد فينا عمل زي سيدنا ابو بكر واخرج كل ماله وقال تركت لاهلي الله ورسوله ؟؟؟؟؟؟؟؟؟؟؟؟؟

بعدما سمعت الشيخ صفوت بيتكلم عن الجهاد بالمال استشعرت القصة السابقه وقد ايه احنا خايبين اوي وتذكرت بعدها بعض الايات

فخفضت رأسي من شدة الخجل

يقول الحق تبارك وتعالي في سورة محمد : (إنما الحياة الدنيا لعب ولهو وإن تؤمنوا وتتقوا يؤتكم أجوركم ولا يسئلكم أموالكم -36- إن يسئلكموها فيحفكم تبخلوا ويخرج أضغانكم-37- هأنتم هؤلاء تدعون لتنفقوا في سبيل الله فمنكم من يبخل ومن يبخل فإنما يبخل عن نفسه والله الغني و أنتم الفقراء وإن تتولوا يستبدل قوما غيركم ثم لا يكونوا أمثالكم-38

ياالله كم قرانا هذة الايات ولكننا قرأنها في مواقف نظريه ولكن عندما يأت الوقت لتنفيذ هذا الكلام يقر الحق تبارك وتعالي واقع كلنا نعيشه

هذة الايام _الامن رحم ربي_(فمنكم من يبخل) نعم نبخل بأموالنا ولا نخرجها في هذة الاوقات الصعبه ولكننا لانبخل بها علي الاكل والملبس والشرب والزينة من سيارات وبيوت واملاك مع ان الحق تبارك وتعالي مهد في بداية الايات ان كل هذا من الحياة الدنيا وانها لعب ولهو اما اخر هذة الايات فختمها بخاتمة صعبة وهو تعرض من يتولي الي القانون الالهي الذي لايستبدل وهو قانون الاستبدال _نعوذ بالله ان نكون من هؤلاء

فليسأل كل واحد منا هل هو الان بخيل بما لديه من أموال في ظل هذة الظروف القاسية التي ييعيش فيها اخواننا في غزة

بأي ذنب قتلت ؟؟؟فلنجاهد بأموالنا الان حتي لايموت غيرها ولنرفع شعار ابقيت لهم الله ورسوله

هل آلمك هذا المنظر ؟؟؟؟فلنجاهد بأموالنا الان حتي لانري غيره ولنرفع شعار ابقيت لهم الله ورسوله

هل تريد مساعدته؟؟؟؟؟فلنجاهدبأموالنا الان حتي نساعده قبل موته ولنرفع شعار ابقيت لهم الله ورسوله

يصرخن وامعتصماااااااه فهل نجيب ندائهن؟؟؟؟؟فلنحاهد بأموالنا الان ولنرفع شعار ابقيت لهم الله ورسوله

تبحث عن مكان لتبيت فيه ....عار علينا!!!! فلنجاهد بأموالنا الان ولنرفع شعار ابقيت لهم الله ورسوله

ان كنا نريد ان ننال شرف الشهادة مثل هذا الطفل فلنجاهد الان بأموالنا ولنرفع شعار ابقيت لهم الله ورسوله

فضل الجهاد بالمال_منقول من موقع اسلام اونلاين_

لماذا فرض الله الجهاد بالمال ؟؟

للجهاد بالمال مغزى مميز وذاتية فريدة وحكم بالغة من الله عز وجل ، من ذلك ما يلي:

أولاً :يعتبر الجهاد بالمال اختباراً لقوة العقيدة ، ومقياساً لصدق الإيمان ووسيلة لتطهير النفس البشرية من الشح والبخل، فمن غرائز الإنسان حب المال … ولقد أشار القرآن الكريم إلىذلك فقال : "
زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ " (آل عمران : 14 ) ، إن التضحية بالمال في سبيل الله مع حبه وتفضيل حب الله ورسوله لدليل قوى على العقيدة والإيمان … ولقد عبر القرآن عن ذلك فقال الله تبارك وتعالى : " لَن تَنَالُواْ الْبِرَّ حَتَّى تُنفِقُواْ مِمَّا تُحِبُّونَ وَمَا تُنفِقُواْ مِن شَيْءٍ
فَإِنَّ اللّهَ بِهِ عَلِيمٌ " ( آل عمران : 92 ) ، وليس هناك أدنى شك في أن أفضل مجالات الإنفاق هو الإنفاق في سبيل الله .

ثانياً : يعتبر الجهاد بالمال أيضاً امتثالاً لأمر الله سبحانه وتعالى المالك الحقيقي والأصلي للمال ، فملكية الناس للمال ملكية حيازية مؤقتة ووسيلة لمساعدة الفرد على عمارة الأرض لعبادة الله عز وجل ، وأصل ذلك قوله تبارك وتعــالى في كتابه الكريم : " آمنوا بالله ورسوله وأنفقوا مما جعلكم مستخلفين فيه " ( الحديد : 7) وقوله تعالى : (وَآتُوهُم مِّن مَّالِ اللَّهِ الَّذِي آتَاكُمْ ) النور : 33 ) ، ولقد أمرنا الله في كثير من الآيات بإنفاق المال في سبيل الدعوة الإسلامية والذود عن الإسلام وقد وعد من يطيعه بالفوز برضائه والهداية إلى الطريق المستقيم ، فقد قال الله تعالى : " وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ " (العنكبوت : 69) .

ثالثاً :يعطى الجهاد بالمال فرصة للمسلم المؤمن والذي رزقه الله سعة من المال ولم يؤت قدرات الجهاد بالنفس أن ينال ثواب الجهاد وشرفه وهؤلاء الذين أطلق عليهم القرآن بأولى الضرر ، وأصل ذلك قول الله تبارك وتعالى : " لاَّ يَسْتَوِي الْقَاعِدُونَ مِنَ الْمُؤْمِنِينَ غَيْرُ أُوْلِي الضَّرَرِ وَالْمُجَاهِدُونَ
فِي سَبِيلِ اللّهِ بِأَمْوَالِهِمْ وَأَنفُسِهِمْ فَضَّلَ اللّهُ الْمُجَاهِدِينَ بِأَمْوَالِهِمْ وَأَنفُسِهِمْ عَلَى الْقَاعِدِينَ دَرَجَةً … " ( النساء : ( 95 فجهاد الإنسان بماله يشعره بذاتيته ودوره في مجال الجهاد والزود عن الإسلام والمسلمين ، وقد أشار رسول الله صلى الله عليه وسلم إلى ذلك فقال " من جهـز غازيـاً في سبيل الله فقـد غــزا ، ومـــن خلفـه في أهلـه بخــير فقد غـزا " (أخرجه الشيخان) .

رابعاً :وفي الجهاد بالمال ضرورة حتمية للمحافظة على أعراض المسلمين وأموالهم وتقوية اقتصاد الأمة الإسلامية ، فنحن نعلن أن الطواغيت والكفار ينفقون أموالهم ليصدوا عنسبيل الله ويعتدون على المسلمين فينهبون أموالهم ويهتكون أعراضهم وييتمون أولادهم ويشردون شيوخهم وهذا ما نشاهده الآن في فلسطين وأفغانستان وكشمير والفلبين …… ولا بد لهؤلاء من قوة وعتاد لردعهم … حتى ينقلبوا خاسرين ، ولقد صور القرآن العظيم ذلك تصويراً بليغاً ، فيقول الله تبارك وتعالى : " ثُمَّ تَكُونُ
عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُواْ إِلَى جَهَنَّمَ يُحْشَرُونَ " ( الأنفال : 36 ) أما الذين ينفقون أموالهم في سبيل الله ، فقال الله تعالى عنهم: "
وَالَّذِينَ آمَنُواْ وَهَاجَرُواْ وَجَاهَدُواْ فِي سَبِيلِ اللّهِ وَالَّذِينَ آوَواْ وَّنَصَرُواْ أُولَـئِكَ هُمُ
الْمُؤْمِنُونَ حَقًّا لَّهُم مَّغْفِرَةٌ وَرِزْقٌ كَرِيمٌ " (الأنفال : 74ونجد الواقع الآن يعبر عن ذلك ، فأمريكا تعطى المال لإسرائيل لقتل المسلمين … فهل يعطى المسلمون المؤمنون أموالهم المجاهدين المسلمين الفلسطينيين ليدافعوا عن أنفسهم وعن بيوت الله .ففي الجهاد بالمال اختبار لقوة العقيدة وصدق الإيمان ودليل على إخلاص العمل لله … وفي الجهاد بالمال امتثال لأمر الله سبحانه وتعالى ، وفي الجهاد بالمال فرصة لأولى الضرر أن ينالوا شرف وثواب الجهاد بالمال ، وفي الجهاد كل معاني التكافل والتعاون والتضامن بين المسلمين ضد اليهود الكفرة والطواغيت والفراعنة ، وفي الجهاد بالمال ضرورة للمحافظة على أعراض المسلمين وشرفهم وكرامتهم وأموالهم وأرضهم حتى تتحقق العبودية لله وحده ، ويتحرر الناس من عبودية الطواغيت ومن بطش اليهود ومن عاونهم للاعتداء على المؤمنين بالله ربا وبالإسلام دينا وبسيدنا محمد صلى الله عليه وسلم نبياً ورسولا.

أخيرا فليكن شعارنا الفترة القادمة أبقيت لهم الله ورسوله

اماكن التبرعات بالمال(الجهادبالمال)معروفه للقاصي والداني ونكررها مرة اخري

رقم حساب لجنة الاغاثة الانسانيه بنقابة الاطباء 261363 بنك فيصل الاسلامي

1/3/20737 بنك قناة السويس

500555 البنك الوطني المصري

او الذهاب مباشرة لمقر نقابة الاطباء (دار الحكمة)بشارع القصر العيني وده تليفون ليهم للي عاوز يستفسر اكتر

27940738

غزة تحت النار

2008-12-27T20:31:00.009+02:00

المجزرة التي ارتكبها العدوان الاسرائيلي اليوم 27/12/ 2008 علي اخواننا المحاصرين في غزه راح ضحيتها حتي الان 250-300 شهيد واكثر من 700 جريح والعدد في تصاعد مستمر وحسبنا الله ونعم الوكيل

واجبنا نحو اخواننا في فلسطين وغزه

ا-اصلاح النفس والتوبه الي الله فان الله لايغير مابقوم حتي يغيروا مابأنفسهم

2-نشر القضيه وشرحها لمن حولك (زملاء العمل -الاهل والاقارب - الجيران)

3-التبرع بالمال لاخواننا والدعوه الي ذلك من خلال نقابة الاطباء

نقابة أطباء مصرلجنة الإغاثة الانسانية

تقوم اللجنة بانشاء مستشفيات ميدانية في رفح لاستقبال وعلاج الجرحي والمصابين ومواجهة الوضع المأسوي .وتدعوكم اللجنة لمواصلة التبرع ومد يد العون لإخوانكم في غزةرقم حساب261363 بنك فيصل الاسلامي20737/3/1 بنك قناة السويس500555 البنك الوطني المصريدار الحكمة : 42 ش قصر العيني القاهرة ت: 27949946 ف : 27959311500555 البنك الوطني المصريدار الحكمة : 42 ش قصر العيني القاهرة ت: 27949946 ف : 27959311المجلس الاسلامي العالمي للدعوة والاغاثة - القاهرة002024091810 هاتف:002024092823 فاكس

للتبرع عن طريق التحويلات البنكية:رقم الحساب : 0/1/21090 بنك قناة السويس-الدقى20737/3/1أو CIB البنك التجارى الدولى10/90002914ليصلك المندوب فى حالات المبالغ الكبيرة نسبيا :موبيل/ 0104002121

بامكانكم الآن التبرع بالدماء لغزة عن طريق المركز القومى للدم عنوان المركز القومى51 شارع وزارة الزراعه بالعجوزة تليفون 37620202او حملات التبرع فى ميدان رمسيس مكتوب عليها التبرع لصالح غزة تابعة للمركز القومى لنقل الدم

4-الدعاء لهم والقنوت في الصلوات فانه لايرد القدر الا الدعاء

5-احياء المقاطعه من جديد والدعوه لها

6- المشاركه في كل الفعاليات الجماهيريه من مؤتمرات ومسيرات وغيرها بهدف الضغط علي النظام لتقديم العون لاخواننا وفتح معبر رفح

للاتصال بغزة:* توجه إلي أقرب سنترال أو كابينة تليفون أو من أي تليفون محمول.* اطلب كود فلسطين (00970) + كود غزة (8).* اطلب سبعة أرقام بشكل عشوائي علي أن تبدأ بثلاثة أرقام من الأرقام الآتية ( 213 -205 – 206 – 282 – 283 – 284 – 286 ).* احرص علي أن تتصل ولو لدقيقة واحدة وتخيل لو أن كل مسلم أدخل السرور علي أسرة فلسطينية ودعم صمودها.* لا تيأس من المحاولة فهذا أقل ما يمكننا أن نقدمه ... قبل أن تنقطع الاتصالات

دبلة الخطوبة

2008-11-08T00:21:00.002+02:00

الحمد لله الذي بنعمته تتم الصالحات

بعد الانتظار كثيرا كثيرا والبحث كثيرا كثيرا تم بحمد الله امس 7/11/2008 في حفل عائلي بهيج خطوبتي علي احد اخواتنا الفضليات

وعقبال كل العزاب (شاهين وجعلي وغازي واسامه ودرويش ومن علي شاكلتهم )ا

الحقيقي الواحد عنده كلام كتير قوي ومشاعر حقيقيه بس انتوا عارفين طبعا انه شرعا لايجوز(انا واخد بالرأي ده)اني اتكلم عن حاجه زي

كده مادام الموضوع لسه في طور الخطوبة

بس انا في حاجتين كنت عاوز ااقولهم كنصيحه لكل الناس وللمقبلين علي الزواج خاصة

ا-ماأخذ منك الاليعطيك

ده اول درس ترسخ عندي في الفتره اللي فاتت واللي كنت ببحث فيها عن شريكة المستقبل

يمكن الواحد يكون زعل في فترة من الفترات انه ماحصلش نصيب في موضوع ماويحس ان دي فرصه مش هتتعوض

بس لما ربنا رزقني وكرمني بخطيبتي الحاليه (وزوجة المستقبل ان شاء الله )حسيت فعلا بالمعني ده اوي انه لو ربنا اخد منك حاجه

اكيداكيد عشان هيديك حاجه تانيه فيها كل المواصفات اللي انت كنت بتتمناهاواكتر كتيييييييييير فثق تماما انه ماأخذ منك الاليعطيك

2-ماحدش بيجوز الامراته

وده المعني اللي علي طول استاذ عمرو خالد بيأكد عليه وهو ان كل واحد فينا مهما خطط هو والاخرين للزواج بفلانه الفلانيه فمش هيحصل

الالو ربنا قدر ده وفي المعاد والمكان اللي ربنا اراده فمحدش يزعل لو طول في فترة البحث لانه اكيد هيكون ليك نصيب في فلانه الفلانيه

في مكان ما وفي وقت ماوالحق تبارك وتعالي وحده يعلم ذلك وانت يجب ان توقن بذلك

ولما يحصل ده هتلاقي توفيق غير عادي من الحق تبارك وتعالي ليك وللطرف الاخرسواء في الارتياح النفسي وفي التفاهم وفي الاتفاقات

وفي الترحيب العائلي من الجانبين

دي مجرد خواطر كنت بعشها في الفترة اللي فاتت فحبيت انقلها لكم لعل وعسي ان افيد غيري بها

اما عن زوجة وشريكة المستقبل فسأكتفي مؤقتا بما نقلته في التدوينة السابقه والتي كانت بعنوان

الانسان الطيب

الانسان الطيب

2008-10-02T20:19:00.004+02:00

كلمات منقولة

2008-08-08T12:35:00.005+03:00

كلمات منقولة

*لاتتخيل كل الناس ملائكة فتنهار احلامك .......... ولاتجعل ثقتك بهم عمياء لانك ستبكي يوما ما علي سذاجتك

*قال الحسن ..رحم الله عبداً وقف عند همه ..فإن كان لله مضى وإن كان لغيره تأخر !

*ان الامير هو الذي يضحي اميرا يوم عزله ان زال سلطان الولاية كان في سلطان فضله

*دع الايام تفعل ماتشاء وطب نفساً اذا حكم القضاء ولاتجزع لحوادث الليالي فمالحوادث بقاء

*سلام علي الدنيا اذالم يكن بها ....صديق صدوق صادق الوعد منصفا

*إن لله في أرضه أنية و هي القلوب فأحبها إليه أرقها و أصفاها و أصلبهاثم فسره

فقال : أصلبها في الدين و أصفاها في اليقين و أرقها على الإخوان

*النفس تجزع أن تكون فقيرة، والفقر خير من غنى يطغيها، وغنى النفوس هو الكفاف فإن أبت فجميع ما في الأرض لا يكفيها

*قال رجل لعمر : إن فلانا رجل صدق فقال له : هل سافرت معه ؟قال : لا قال : فهل كانت بينك و بينه معاملة ؟قال :

لا قال : فهل ائتمنته على شيء ؟قال : لا قال : فأنت الذي لا علم لك به أراك رأيته يرفع رأسه و يخفضه في المسجد

*علمتني الحياة أن أجعل قلبي مدينة بيوتها المحبة وطرقها التسامح والعفو وأن أعطي ولا أنتظر الرد على العطاء

وأن أصدق مع نفسي قبل أن أطلب من أحد أن يفهمني

وعلمتني أن لا أندم على شي وأن أجعل الأمل مصباحا يرافقني في كل مكان

*فليتك تحلو والحياة مريــــرة وليتك ترضى والأنام غضاب وليت الذي بيني وبينك عامر وبيني وبين العـــالمين خراب

إذا صح منك الود فالكل هيـن وكل الذي فوق التراب تراب

*لا أحد ينكر أن الاستعمار لعب دوراً في تأخرنا، ولكن التأخر حدث قبل مجيء الاستعمار،

عندما توقفنا عن المناظرة والتعددية الفكرية، وانقطعنا عن تقليد مهم كان في الحضارة الإسلامية وهو الحوار والتعددية

*ليست الالقاب من تكسب الناس المجد ...بل الناس من يكسبون الالقاب مجدا

سبحان..
من جعل قلوب العارفين أوعية الذكر..
وقلوب أهل الدنيا أوعية الطمع..
وقلوب الزاهدين أوعية التوكل..
وقلوب الفقراء أوعية القناعة..
وقلوب المتوكلين أوعية الرضا..اللهم فاملأ قلوبنا بذكرك وطاعتك وخشيتك..

داخل القطار

2008-07-24T16:09:00.009+03:00

داخل القطار

اصوات عجلات القطار المميزه تتسارع ، اصوات بشريه متتداخله تحيط بك من كل جانب ،الكل مشغول ويستعد ليتأقلم مع الوضع الذي سوف يبقي عليه لمده لا بأس بها وهي مدة سفره

حاله من السكون سادت ارجاء العربه التي اركب بها اللهم الا بعض المقاعد وكان منها المقعد الذي اجلس فيه
ورزقني الله بثلاث من الدكاتره واخذوا يتحدثون عن موضوع جذب انتباهي بشدة فأنصت لهم وتابعت الحوار

كان محور حديثهم عن الازمه الصحيه التي تمر بها مصرنا المحروسه حيث انتشار الامراض بكثره في جميع اوساط الشعب وفي نفس الوقت الخدمه المتدنيه الموجوده داخل المستشفيات ,ناهيك عن حال الاطباء اليوم والكوارث التي تتم بسببهم

بس هما مش كانوا بيتكلموا في المشكله زي ماكلنا بنعمل ،ولكن علي العكس تماما كانوا بيكلموا في مشروع هما بصدد الاعلان عنه لنظام طبي متكامل هايحاولوا من خلاله يقدمه نموذج يحتذي بيه في حل المشكله ديه وكانوا بيناقشوا تفاصيل المشروع الجديد من نوعه في مصرنا المحروسه

عم الصمت داخل ارجاء المكان مره اخري وذهبت الي احد الاماكن شبه الخاليه كي اخلد الي النوم وفوجئت باصوات تتعالي من المقعد الخلفي لي مباشرة وسمعت مجموعه من الشباب تتحدث عن حال مصرنا المحروسه وبدأواينتقدوا في كل شئ

تكلموا عن الحاله السياسيه التي تمر بها البلد وماوصلت اليه من فوضي وعشوائيه وعن الحالة الاقتصاديه وماوصل اليه حال المواطن من الفقر والمستوي المعيشي المتدني .......وهكذا في كل المجالات الاخري

لا اخفيكم سرا انه كان كلاما موزونا وله وقع علي الاذن وبنسبه كبير جدا جدا كلاما
لا يختلف اثنين علي صحته ولكن ما أدهشني هو الاتي

اخذوا بعد هذا التوصيف الرائع للمشاكل يتحدثون عن الاحزاب والجماعات الموجوده علي الساحه وبدأوا في انتقادها ايضا وهم متحمسون جدا للقول بان هذه الحكومه لاتجدي معها نفعا وانه لابد من ان يحدث شئ الهي لتغيير الوضع الذي نمر به

وصمتوا جميعا بدون ان يقدموا اي حلول لهذا الوضع القائم وبلا اي نيه للمشاركه في اي عمل اصلاحي
فقط هما قادرون علي الكلام المعسول والمؤدي الي الاحباط (هذا ما يجيدونه فقط)

بين هذا الموقف والموقف السابق خلدت الي النوم وتذكرت في احلامي وانا نائم هذه المقوله للدكتور صلاح صالح الراشد في كتاب (كيف تخطط لمستقبلك)
"ان هذه الامة تقوم بأطباء ومهندسين وعلماء هندسه وراثيه واساتذة شريعه وعلماء كيمياء ومليارديرات منفقين ودعاة حريه ودفاع عن حقوق الانسان وامهات متعلمات متصبرات فقيهات .....الخ"
ورأيت في المنام بعد ذلك امثله عديده للنموذج الاول الذي ذكرته فهولاء المهندسون متجمعون لمناقشة احد المشاريع التي تسهم في حل جزء من مشكله الاسكان التي نعيش فيها اما هولاء الاقتصاديون فهم منشغلون في تفاصيل المشروع الذي يسهم في حل جزء كبير من مشكلة البطاله وتدني الحاله المعيشيه للمواطن وهولاء الصحفيون منشغلون في اعداد الخطه التي تسهم في كشف الفساد والمفسدين وهؤلاء الدعاه تجمعوا ليواجهوا الحمله الاعلاميه التي ينجرف وراءها الكثير من الشباب ...........وهكذا كل في مجاله

افقت من حلمي وتمنيت من الله ان يتحول الحلم الي حقيقه وان اشارك في تحقيق هذا الحلم في مجال عملي وفي دعوتي وان لا اكون ممكن يكتفون برفع الشعارات والتنظير الذي لا فائده منه مالم ينبغي عليه عمل
اللهم آمين

وحدي بالمنزل

2008-07-07T13:47:00.012+03:00

الف الف مليووووووووووووووووووووووووووون مبروووووووووووووووووووووووووووووووووووك

بعد ساعات من الان يتم انتقال اخي وشقيقي محمود من عالم العزوبيه الي عالم الزوجيه السعيد (عقبالي يارب)

ان شاء الله هتكون الدخله النهارده ومحمود اخويا من الاخوان وهيتم زفافه علي احد اخواتنا وهي الدكتوره شيماء

وطبعا طبعا الزواج الللي هيتم النهارده له ابعاد سياسيه عندي في البيت منها

1- ان كل اخواتي بفضل الله اتجوزوا ومكنش فاضل غير محمود وده معناه طبعا في المقام الاول ان انا خلاص الطريق

بقي فاضي قدامي وان انشاء الله الدور عليا

2- وفي المقام التاني ان انا من النهارده هاقعد في البيت لوحدي مع والدتي وطبعا الواحد زعلان انه هيقعد لوحد

ه بس نعمل ايه بقي ده قدر ومكتوب علينا

وفي نفس الوقت برده

القعده لوحدي في البيت فيها مميزات كتير يعني الواحد هياخد راحته بقي وهبرطع في البيت لوحدي

لالالا هاتظبط كتير كتير

اخيرا اليوم 7/7/2008 هيشهد احتفالا غير مسبوق بأذن الله بزواج اخي المبارك

وانشاء الله يكونوا خير مثال لزوجين متحابين في ظل طاعة الحق تبارك وتعالي

نيولوك

2008-06-27T17:29:00.003+03:00

اخيرا والحمد لله رجع الadsl عندنا تاني بعد انقطاع دام طويلا وانشاء الله مايتكررش الكلام ده تاني

تجربة مفيدة

كده بالظبط مر علي انشاء المدونه دي سنه كامله وكان لازم الواحد يقيم التجربه دي وهل هي صح ولا غلط ويعيد ترتيب الاوراق من تاني

وبعد الفحص والمحص توصلت الي انه في اعتقادي الشخصي ان التجربه علي مستواي الشخصي فقط كانت مفيده جدا للاسباب الاتيه

1- كسر الحاجز النفسي : يعني قبل كده ممكن الواحد كان يدخل يعلق في مدونات تانيه او يرد علي مواضيع في مواقع ردود قصيره بس مكنتش بقعد مخصوص عشان اكتب موضوع معين شاغلني وأأقول فيه رأيي وحتي وان كانت المواضيع اللي اتكتبت مش مفيده لحد فهي كانت مفيده بالنسبه ليا

2- فضفضه : كتير الواحد مننا بيقبي محتاج انه يطلع الافكار والمشاعر الشخصيه اللي بيحسها اوينقل تجارب هو مربيها واستفاد منها وعاوز يفيد بيها غيره

3- كثرة الاطلاع : لانك لما بتكتب موضوع وعاوز تقول فيه رأيك يفضل انك تقرأ الاراء التانيه في الموضوع الاول وبتيدأ تكون داتاباس تنطلق من خلالها في توصيل فكرتك

4- التعلم من الاخطاء : ودي اكبر استفاده من القصه دي كلها لان الحياه عموما مجموعه من التجارب لابد ان تخوضها وان تتعلم من اخطائك في التجارب السابقه حتي تكون نسبة النجاح في التجارب اللاحقه اكبر

5- للتاريخ : حقيقي الواحد هيكون سعيد لوان شاء الله بعد عشر سنين من الوقتي او اكتر اقعد يقلب في صفحات المدونه ويفتكر هو كتب الموضوع ده عشان ايه وكان اسلوبه في الكتابه عامل ازاي ويفتكر المواقف اللي مربيها خلال المده دي وكتب عنها بحلوها ومرها وتبدأ تخلي اولادك يشوفوا الموضوعات دي ويقلبوا في ذكرياتك وممكن كمان يقلبوا عليك المواجع بس مش مشكله

ده كان علي مستواي الشخصي اما علي مستوي زوار المدونه الكرام فمش حاسس انهم استفادوا كتير من الموضوعات اللي اتكتبت

ممكن يكون اسلوب الكتابه مش اللي هو قوي بس اهو الواحد لسه بيتعلم برده

ممكن يكون اختيار المواضيع و طريقة تناولها وعرضها بعيده شويه عن الواقع بس اهو الواحد لسه بتعلم برده

ممكن الواحد مكنش منظم في وقته شويتن وبالتالي مكنتش بدي اهتمام للمدونه وتحديثها ... ده بقي شئ اكيد مش ممكن لاني فعلا المدونه مكنتش مخصصلها وقت محدد وكنت بسيب الموضوع بظروفه يعني لما اكون فاضي تماما اشتغل في المدونه

الخلاصه

كان حد نصحني نصيحه وقالي ان المدونه دي حاجه شخصيه جدا بمعني تاني عالمك الشخصي بتحط فيها افكارك وارائك والمواقف اللي بتمر بيها ...الخ فمحدش له حاجه عندك يعني تكتب كل يوم كل شهر كل سنه مش مهم دي حاجه راجعالك انت حسب الظروف يعني والناس تستفيد بالكلام او ماتستفدش ده برده مش مهم لانك بتبذل اقصي جهدك عشان تفيد غيرك بس لو ما استفدش مش مهم لانها مدونتك انت مش مدونته هو

وفي الاخر الواحد زي ماقلنا اكيد استفاد من التجربه واتعلم من اخطاءه فيها وان شاء الله هحاول يكون الاداء افضل بكتير من قبل كده

وعشان ده كله الواحد كان لازم يعمل نيولوك للمدونه

ان شاء الله راجع قريب جدا

2008-05-08T17:21:00.004+03:00

اسف جدا جدا علي فترة الانقطاع ديه

بس المشكله ان احنا غيرنا وصلة الadsl من شركه وهنشترك مع شركه تانيه

وطبعا الانتقال من شركه لتانيه ده طلع حوار كبير فيارب اقدر اخلصه بسرعه وانجز

نلتقي قريبا ان شاء الله

حسبنا الله ونعم الوكيل

2008-04-15T22:14:00.004+02:00

حسبنا الله ونعم الوكيل

تابعوا تفاصيل هذه المهزله علي الروابط الاتيه

http://www.egyptwindow.net/modules.php?name=News&file=article&sid=8562

http://www.ikhwanonline.com/Article.asp?ArtID=36289&SecID=213

http://www.egyptwindow.net/modules.php?name=News&file=article&sid=8549

http://ensaa.blogspot.com/2008/04/blog-post_6152.html

حسبنا الله ونعم الوكيل

من هنا نبدأ

2008-03-01T00:16:00.003+02:00

كان صلاح الدين أثناء الحرب يمر على الخيام ،فإذا وجد الجنود يتعبدون ويصلون يقول: من هنا يأتى النصر وإذا وجدهم نائمون أو يلعبون يقول: من هنا تأتى الهزيمة.

وقال الإمام علي رضي الله عنه : ميدانكم الأول أنفسكم ،فإن انتصرتم عليها كنتم على غيرها أقدر ، وإن خذلتم فيها كنتم على غيرها أعجز فجربوا معها الكفاح أولا

حاجه غريبه
الكثير منا كأخوان في عمله الدعوي يهتم بالجانب السياسي او بجانب العمل مع المجتمع او بأي من الجوانب المختلفه ولازم يقول رأيه في كل حاجه وينقد العمل الفلاني ويحرص علي حضور العمل الفلاني وبيكون عنده مشروع او تصور لتنمية وتطويرالعمل الفلاني

بس

مش كتير مننا بيدي الجانب التعبدي الاهتمام ده سواء كان ليه شخصيا او افراد فريق العمل اللي معاه
وحتي ان كان مهتم فالاهتمام فالاهتمام ده بينحصر مثلا انه يتابع الاوراد او الي ماشابه من اشياء بس قليل اللي بيكون عنده تصور لتنمية هذا الجانب لدي نفسه وافراد فريق عمله

يعني مثلا مثلا لو المؤتمر او المسيره الفلانيه اتلغت او اتعملت بشكل سئ فده شئ بيزعل الناس جدا جدا ويأخذ مساحه وقتيه من المناقشات كبيره جدا لمعرفه السلبيات التي تمت وكيفية معالجتها

اما لو كانت مثلا نسبه صلاة الفجرجماعه اولي أوردالقرآن خمسين في المائه فمش بنلاقي الزعل ده ولا بنلاقي الوقت ده لمناقشة الموضوع والخروج بنقاط عمليه لحل هذه الازمه

والله عيب علينا
حقيقي انا مش بلوم المسئولين عنا كأفراد -وان كان لهم دور في ذلك- قد ما بلوم نفسي وكل اللي زي حالاتي في اننا يجب ان نعرف ان علاقة الفرد بربه هي مفتاح نجاحه في باقي اعماله

وانه لن يأتي النصر للعصاه او للمقصرين في اداء عباداتهم وان نعلم قول الحق تبارك وتعالي
(وكلهم اتيه يوم القيامه فردا ) فسوف نحاسب افرادا يوم القيامه
ويقول الحق تبارك وتعالي﴿يَوْمَ تَأْتِي كُلُّ نَفْسٍ تُجَادِلُ عَنْ نَفْسِهَا وَتُوَفَّى كُلُّ نَفْسٍ مَا عَمِلَتْ وَهُمْ لا يُظْلَمُونَ﴾ (النحل: 16).

من هنا لازم كل واحد فينا زي مابيكون عنده تصور لتنميه المجال الدعوي الذي يعمل فيه وتنمية افراد فريق العمل الذين يعملون معه لابد ان يبدأ في عمل تصورات لتمية الجانب التعبدي حتي وان كان هذا لفرد غير مسئولا عن فريق العمل

نموذجين أسعدوني جداجدا

النموذج الاول :سمعته من اخي وصديقي درويش انهم عاملين عندهم في الحي مشروع اسمه مشروع البراءة * عن أنس بن مالك رضي الله عن قال : قال رسول الله صلى الله عليه وسلم من صلى لله أربعين يوماً في جماعة يدرك التكبيرة الأولى كتب له براءتان :براءة من النار ، وبراءة من النفاق ) رواه الترمذي
وانهم كانوا قاعدين بيتكلموا ازاي يتغلبوا علي معوقات هذا المشروع وكل واحد عنده تجربه في الموضوع ده كان بيقولها فحقيقي احنا محتاجين مثل هذ المشاريع

النموذج التاني : اخوه في مكان تاني عملوا مشروع اسمه صحيني الفجر وكان الناس اللي معروفه انهم علي طول بيصلوا الفجر جماعه اولي ببيقسموا باقي الناس عليهم بحيث ان كل واحد يصحي خمسه وكل واحد من الخمسه يصحي خمسه وهكذا حتي يصلي الجميع الفجر جماعه اولي

وقت عصيب

نحتاج لمثل هذه الروح وهذه المشرعات في كل العبادات في كل الاوقات وفي هذا التوقيت بالذات حيث الاعتقالات والمحاكمات والضغوط التي تتعرض لها جماعتنا يقول الحق تبارك وتعالي
﴿إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلائِكَةُ أَلاَّ تَخَافُوا وَلا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ* نَحْنُ أَوْلِيَائِكُمْ فِي الْحَيَاةِ الدُّنْيَا وَفِي الآخِرَة وَلَكُمْ فِيَها مَا تَشْتَهِي أَنْفُسُكُمْ وَلَكُمْ فِيهَا مَا تَدَّعُونَ* نُزُلاً مِنْ غَفُورٍ رَحِيمٍ﴾ (فصلت: 30/32

قوم عمليون
ياريت يا جماعه نكون مهمومين بالموضوع ده ونهتم بيه زي مابنهتم بالجوانب الاخري واللي عنده تصور او فكره يبدأ في تنفيذها فورا مع اقرانه واخوانه في المكان اللي هو فيه ويفيدنا بيها برده

مش عارف أدون

2008-02-27T03:10:00.002+02:00

حاجه غريبه

بقالي فتره مش قادر اكتب عن اي موضوع خالص

رغم اني في كذا حاجه كانت في دماغي في الفتره اللي فاتت دي كنت عاوز اكلم عنها

بس كل ماأأقعد عالكمبيوتر يطلعلي ميت عفريت ويفكروني بحاجات تانيه لازم اخلصها الاول

مره حاجات بخصوص الشغل الدنيوي وطبعا لازم اخلصها

ومره تانيه بخصوص الشغل الدعوي والمعاد الفلاني اللي لازم احضرله كذا وكذا وكذا

ومره تالته بخصوص الواجبات والزيارات العائليه اللي لازم تتعمل

وهكذا وهكذا وهكذا

انا بكتب البوست ده عشان اعمل حاجه الناس بتوع الاداره بيقولوا عليها كسر حالة الجمود او ودي بتكون عشان تكسر الحواجز النفسيه بينك وبين الشخص اللي قدامك فانا بكتب البوست ده عشان اكسر حالة الجمود التدويني اللي عندي

وان شاء الله هظبط وقتي قريبا وارجع تاني بس انتوا تتدعولي

هيا بنا نَعُجُّ إلى الله ونستغيث به

2008-01-21T22:04:00.000+02:00

هل دمعت عيناك لما يحدث لاخواننا في غزة ..........وماذا بعد ؟؟؟؟؟؟؟؟؟

http://www.ikhwanonline.com/Article.asp?ArtID=33760&SecID=450

هل آلمك منظر الاطفال المشردين والشيوخ الحياري ونساءنا الثكالي .....وماذا بعد؟؟؟؟؟؟؟؟؟؟؟؟؟؟؟

هل غير ذلك فيك شيئا ؟؟؟؟؟؟؟؟؟؟؟؟

ام انها تأوهات خرجت مننا في لحظات المشاهدة واكتفينا بها وبمصصة الشفاه حزنا علي حالهم؟؟؟؟؟

هل سألت نفسك ماهو حالك في صلاة الفجر وقراءة القرآن وقيام الليل والاذكار وواجباتك الاجتماعية والدعويه وباقي اورادك خلال الفتره الماضيه؟؟؟؟؟؟؟؟؟؟؟؟؟

وماذا تغير من هذه الاحوال بعد ما رأيت من هذه الاحداث؟؟؟؟؟؟؟؟؟؟؟؟؟؟؟

يقول الحق تبارك وتعالي

(ان الله لايغير مابقوم حتي يغيروا مابأنفسهم)ا

اظننا في اشد الحاجه الي هذا المقال الذي كتبه الدكتور مجدي الهلالي فالرجاء ان نقرأه بقلوبنا ونطبق مافيه

د. مجدي الهلالي يكتب: هيا بنا نَعُجُّ إلى الله ونستغيث به
[24/03/2007]

الحمد لله رب العالمين، والصلاة والسلام على المبعوث رحمةً للعالمين، أما بعد..
فبعد أن وقع الزلزال، وانكشف الغبار، وتأكَّد لدينا بأنه ليس لنا سوى الله، وأنه وحده القادر على كشْف ما أصابنا من ضُرٍّ وبلوى، وأن ما حدث قد يكون عُتبى منه سبحانه، يعتب بها علينا بسبب ما أحدثناه من تقصير في القيام بالواجب الذي شرَّفَنا به وابتَعَثَنا من أجله، أو تفريطٍ وتهاونٍ في لزوم الاستقامة على أمره.

بعد أن وضحت الرؤية بأنه سبحانه هو الذي ابتلانا، فإنه ينتظر منا توبةً صادقةً، تبدأ بمحاسبة كلٍّ منا نفسَه، ومراجعة أموره كلها، بدءًا من علاقته به سبحانه، ومرورًا بعلاقته بإخوانه وبدعوته، وكلما كانت هذه المحاسبة جادَّةً منطلقةً من استشعار المرء بأنه قد يكون السبب فيما حدث للدعوة.. كلما ازداد الشعور بالندم، ومِن ثمَّ تكون التوبة صادقةً، عمليةً، ظاهرةَ الآثار في شتى المجالات.

ومع هذه المحاسبة، وهذه التوبة تأتي العبودية العظيمة الملازِمة لحدث الابتلاء، ألا وهي التضرُّع إلى الله والاستغاثة الشديدة به ﴿فَلَوْلاَ إِذْ جَاءَهُم بَأْسُنَا تَضَرَّعُوا﴾ (الأنعام: من الآية 43)، فالمطلوب هو تضرُّعٌ واستغاثةٌ تُظهر وتؤكد عدم تعلُّق قلوبنا بشيء سوى الله، وأنه لا ملجأَ لنا ولا منجى مما نحن فيه إلا هو سبحانه وتعالى، وأن نلحَّ في ذلك، ونلحَّ، ونتضرَّع، ونستغيث، ونعُجُّ (العجُّ هو رفع الصوت والصياح) إلى الله، ولا نترك هذا كله حتى يأتي الفرج، وما هو ببعيد كما وعد سبحانه ﴿أَمَّن يُّجِيْبُ الْمُضطَّرَّ إِذَا دَعَاهُ وَيَكْشِفُ السُّوْءَ وَيَجْعَلُكُمْ خُلَفَاءَ الأَرْضِ أَإِلَهٌ مَّعَ اللهِ﴾ (النمل: من الآية 62).

من تجارب السابقين في الاستغاثة بالله

وإليك أخي قصةً من قصص السابقين، تؤكد هذا المعنى، وكيف أن أصحاب هذه القصة وبعد أن أُحيط بهم، وبلغ بهم البلاء والكرب ما بلغ لجأوا إلى الباب الأعظم، وتعلَّقت قلوبهم تعلقًا تامًّا بالله، وانخلعت من كل أسباب الأرض، عند ذلك جاءهم الفرج من حيث لا يحتسبون.

ذكر ابن بشكوال في كتابه (المستغيثين بالله) أن المسلمين في جزيرة إقريطش (تكريت) قد قاموا بغزوٍ لبعض ديار الروم، وأصابوا منهم إصاباتٍ عظيمةً، فبلغ ذلك الخبر ملك الروم، فاستشاط غضبًا، وتوعَّد المسلمين بحرب عظيمة وهزيمة ساحقة، وإن أدى ذلك إلى إنفاقه كلَّ دنانير مملكته، وذهب إلى راهب من أبناء الملوك يحبه الروم لزهده، فأنزله من صومعته، وأقنعه بضرورة قيادته للجيش المتوجِّه لجزيرة إقريطش.

وبالفعل خرج هذا الراهب بجيشٍ ضخمٍ، واتجه إلى الجزيرة، وفي طريقهم إليها وجدوا المراكب التي تحمل الطعام للمسلمين فاستولوا عليها، وما إن بلغ الخبر أهل الجزيرة حتى أغلقوا الأبواب وتحصَّنوا داخل مدينتهم، ثم ضرب جيش الروم حصارًا محكمًا على المدينة، وطال الحصار، ونفد الطعام حتى اضطُّرَّ الناس إلى أكْل ما مات من البهائم، ووصل بهم الجهد والجوع والكرب مبلغه، وبدأوا في التفكير الجادِّ بالاستسلام، وفتْح أبواب المدينة للروم، عند ذلك نهض فيهم أحد الشيوخ، وبيَّن لهم أن المسبِّب لهذا كله هو الله، وأنهم قد حُرِموا التوفيق الإلهي يوم أن استولى الروم على طعامهم، وأن ما عليهم إلا أن يقبلوا ما يشير به عليهم، فوافق القوم وأعطوه سمعهم.

فقال لهم توبوا إلى الله عز وجلَّ من قبيح تقصيركم في حق شكر نعمه، والزَموا ما يكون رباطًا لها وقائدًا لها إلى حُسْن المزيد فيها، وأخلِصوا له إخلاصَ من لا يجد فرجَه إلا عنده، وافصلوا صبيانكم من رجالكم، ورجالكم من نسائكم.
فلما ميَّزَهم هذا التمييز صاح بهم: "عُجُّوا بنا إلى الله عز وجل".
فعجوا عجَّةً واحدةً، وبكى الشيخ واشتد بكاء الناس وصراخهم، ثم قال: عجُّوا أخرى ولا تشغلوا قلوبكم بغير الله، فعجُّوا عجَّةً أعظم من الأولى، واشتد بكاؤهم ونحيبهم، وعلا صوتُهم.
ثم عجَّ الثالثة، وعجَّ الناس معه، ثم قال لهم: انظروا من شرفات الحصن، فإني أرجو أن يكون الله قد فرج عنا.

يقول راوي القصة- الحسن بن محمد-: والله لقد أشرفت مع جماعة فرأينا الروم قد قوّضوا، وركبوا مراكبهم، وانطلقوا في البحر، وفتحنا الحصن فوجدنا قومًا من بقاياهم، فسألناهم عن خبرهم، فقالوا: كان الراهب المحبوب عميد الجيش بأفضل سلامته اليوم، حتى سمع ضجتكم بالمدينة، فوضع يديه على قلبه وقال: قلبي، قلبي، ثم مات، فانصرف من كان معه من الجيش إلى بلاد الروم.

قال الحسن: ووجدنا في الأبنية من محلتهم من القمح و الشعير ما وسع أهل المدينة، وكفى الله جماعتهم بأس الروم من غير قتال والحمد لله.

فهيا بنا يا أخي نتوب إلى الله، ونستصرخه ونستغيث به.. قال- صلى الله عليه وسلم- "من انقطع إلى الله عز وجل كفاه الله كل مئونة، ورزقه من حيث لا يحتسب، ومن انقطع إلى الدنيا وكله الله إليها" (أخرجه الطبراني في الصغير والبيهقي في الشُّعَب).
وصدق من قال:
لا تيأس إذا ما ضِقْتَ من فَرَجٍ يأتي به الله في الروحات والدُّلَجِ
وإن تضايق باب عنك مُرْتَتَج فانظر لنفسك بابًا غير مُرْتتج
فما تجرَّع كأسَ الصبر معتصمٌ بالله إلا أتاه الله بالفرج
والحمد لله أولاً وآخرًا، وصلِّ اللهم على سيدنا محمد وعلى آله وصحبه وسلم.

اخيرا فلنشاركهم المحنة

هل نستشعر مدي الجوع الذي يشعرون به ونحن نأكل ....ارجوا ان لانكثر من الطعام فهناك من لايجده منهم ونكثر من الصوم لعل وعسي ان يفرج الله عنهم

هل نستشعر مدي البروده التي يشعرون بها ونحن نستخدم شتي الوسائل للتدفئه

هل استشعرنا مدي الحزن الذي يعيشون فيه مما حدث لهم بينما نحن غارقون في المرح والسرور

هل تعلمنا منهم معني الصمود والثبات في أ شد الازمات

هل تعلمنا منهم مدي حبهم لو طنهم وبذل الغالي والرخيص من اجله حتي وان ادي ذلك لهلاكهم

اتمني ان نشاركهم المحنه ونشاركهم الشعور

ونقدم كل مافي وسعنا من بذل بالمال والوقت والجهد والنفس في سبيل نصرة اخوانناكي نقابل الحق تبارك وتعالي وهو عنا راض

وتختم بقول الحق تبارك وتعالي( انا لننصر رسلنا والذين امنوا في الحياة الدنيا ويوم يقوم الاشهاد )ا

فلنبدأها بالحمد

2008-01-14T16:46:00.000+02:00

ايه الاخبار؟؟؟؟؟؟؟:الحمد لله كويس

كله تمام؟؟؟؟؟؟؟؟؟ :الحمد لله كويس

هل اصبحت كلمة الحمد لله مجرد كلمة ننطق بها ليل نهار دون ان نستشعر معناها ؟؟؟؟؟؟؟؟؟؟؟؟؟؟؟؟؟؟

هل فكرنا يوما ان نحصي نعم الحق تبارك وتعالي علينا ومن ثم نحمده _سبحانه وتعالي_عليها ؟؟؟؟؟؟؟؟؟؟؟؟؟؟؟؟؟؟؟

هل استعرضت السنة الماضية باحداثها الجميلة التي حدثت لك ثم حمدت الله عليها وشكرته ان وفقق لهذا؟؟؟؟؟؟؟؟؟؟؟؟

هل استعرضت السنة الماضية باحداثها المؤلمة وكيف كان الله يجعل من بعد العسر يسراويجعل من بعد الهم فرجا ؟؟؟؟؟؟؟؟؟

اذا فلنبدأهذه السنة الجديدة بالحمد

ولنتذكر.......عندما تصيبك ضراء تذكر قول النبي صلى الله عليه وسلم في الحديث الصحيح الذي رواه مسلم أنه قال : (عجباً لأمر المؤمن إن أمره كله خير إن أصابته سراء شكر فكان خيراً له وإن أصابته ضراء صبر فكان خيراً له وليس ذلك لأحد إلا للمؤمن) .

ولاتكن .....مثل هذه المرأة التي قالت للنبي (ص)عندما مات زوجها وكانت لاتعرف النبي (ص) فقالت له اليك عني فانك لم تصب بمصيبتي فلما علمت انه رسول الله وذهبت اليه تعتذر قال النبي (ص) لها انما الصبر عند الصدمة الاولي

وكن مثل عروة ....عروة بن الزبيروهو من كبار التابعين لما قطعت رجلة ثم مات ولده بعدها بلحظات فقال: اللهم إنه كان لي أطراف أربعة فأخذت واحداً وأبقيت لي ثلاثة فلك الحمد ، وكان لي بنون أربعة فأخذت واحداً وأبقيت لي ثلاثة فلك الحمد وأيم الله لئن أخذت لقد أبقيت ولئن ابتليت لطالما عافيت

ولنتذكر .....عندما يمن الله عليك بنعمة منه تفرح من اجلها فلتحمده عليها وتشكره حيث قال الحق تبارك وتعالي (ولئن شكرتم لازيدنكم)

ولاتكن .....ممن قال الله فيهم (فاذا مس الانسان ضر دعانا ثم اذا خولناه نعمة منا قال انما اوتيته على علم بل هي فتنة ولكن اكثرهم لا يعلمون)سورة الزمر

ولنا في سيدنا موسى – عليه السلام – القدوة........ وقد نظر إلى حق ربه أولا قبل أن ينظر إلى عمله، فقال: يا رب كيف لي أن أشكرك، وأصغر نعمة وضعتها عندي من نعمك لا يجازى بها عملي كله، فأتاه الوحي: يا موسى الآن شكرتني

ولنتذكر.....كان رسول الله صلى الله عليه وسلم إذا رأى ما يُحب قال : الحمد لله الذي بنعمته تتم الصالحات ، وإذا رأى ما يكره قال الحمد لله على كل حال . رواه ابن ماجه .

قال عليه الصلاة والسلام : ما أنعم الله على عبد نعمة فقال : الحمد لله ؛ إلا كان الذي أعطاه أفضل مما أخذ . رواه ابن ماجه

ولنتذكر ......عنْ أنَسٍ رضيَ الله عَنْهُ قالَ: قالَ رسُولُ الله صَلَّى اللهُ عَلَيْهِ وَسَلَّمَ: ((إنَّ الله لَيَرْضَى عَنِ العَبْدِ يَأْكُلُ الأَكْلَةَ فَيَحْمَدُهُ عَلَيْها، وَيَشْرَبُ الشَّرْبَةَ، فَيَحْمَدَهُ عَلَيْهَا)). رواهُ مسلم.

فلاتكن ......ممن يحمد الله بلسانه فقط في هذا المقام ولكن قولها بلسانك واستشعر معناها

ولتأخذ من هذه القصه عبرة ....قال ابن السماك للرشيد وقد دعا بحضرته بقدح فيه ماء ليشربه، فقال له: يا أمير المؤمنين فلو منعت هذه الشربة بكم كنت ترضى أن تبتاعها؟ فقال له الرشيد: بملكي كله. قال: يا أمير المؤمنين فلو منعت خروجها منك بكم كنت ترضى أن تفتدي من ذلك؟ قال: بملكي كله. قال؟ يا أمير المؤمنين أتغتبط بملك لا يساوي بولة ولا شربة ماء! وصدق ابن السماك

ولنتذكر ....عَنْ أَنَسٍ رَضِيَ اللَّه عَنْهُ ، أَنَّ النَّبِيَّ صَلّى اللهُ عَلَيْهِ وسَلَّم كَانَ إذا أَوَى إِلى فِرَاشِهِ قَال : «الحمْدُ للَّهِ الَّذي أَطْعَمنَا وسقَانا ، وكفَانَا وآوانَا ، فكمْ مِمَّنْ لا كافيَ لَهُ ولا مُؤْوِيَ » رواهُ مسلمٌ .

و الدعاء عند الاستيقاظ من النوم بالدعاء الوارد : (( الحمد لله الذي أحيانا بعدما أماتنا ، وإليه النشور ))

ولنستشعرونحن نقول هذا الدعاء.....قول الحق تبارك وتعالي (الله يتوفى الانفس حين موتها والتي لم تمت في منامها فيمسك التي قضى عليها الموت ويرسل الاخرى الى اجل مسمى ان في ذلك لايات لقوم يتفكرون )سورة الزمر

ولنتذكر..... ونحن في الصلاة الحديث القدسي " فإذا قال العبد : ( الحمد لله رب العالمين ) قال الله تعالى : حمدني عبدي . رواه مسلم

وايضا عند القيام من الركوع نقول ربنا ولك الحمد حمداطيبا مباركا فيه حيث يقول النبي (ص)(رأيت بضعة وثلاثين ملكا يبتدرونها أيهم يكتبها أول )

ولنتذكر......قال رسول الله صلى الله عليه وسلم : من أكل طعاما ثم قال : الحمد لله الذي أطعمني هذا الطعام ورزقنيه من غير حول مني ولا قوة ، غُفِر له ما تقدم من ذنبه وما تأخر ، ومن لبس ثوبا فقال : الحمد لله الذي كساني هذا الثوب ورزقنيه من غير حول مني ولا قوة ، غُفِر له ما تقدم من ذنبه وما تأخر . رواه أبو داود ، وهو في صحيح الجامع

ولنتذكر.... عند رؤية اهل البلاء حيث يقول النبي(ص) من رأى مبتلى فقال : الحمد لله الذي عافاني مما ابتلاك به ، وفضلني على كثير ممن خلق تفضيلا ، لم يصبه ذلك البلاء " رواه الترمذي (اكيد اكيد هتقول الدعاء ده في سرك يعني من غير مايسمعك)

ومن أجل ذلك يلهج أهل الجنة بالحمد للحميد

( وَقَالُواْ الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ )

( وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ )

( وَقَالُوا الْحَمْدُ لِلَّهِ الَّذِي صَدَقَنَا وَعْدَهُ وَأَوْرَثَنَا الأَرْضَ نَتَبَوَّأُ مِنَ الْجَنَّةِ حَيْثُ نَشَاء فَنِعْمَ أَجْرُ الْعَامِلِينَ )

فلنستغفر الله علي مامضي ونعقد العزم ان نبدأ هذا العام الهجري ونحن نحمد الله علي كل احوالنا وفي كل الظروف

اخيرا أجازة

2008-01-10T23:09:00.000+02:00

لما حسيت ان الدنيا حواليا بالمنظر الجميل ده

وحسيت ان تفكيري مشتت بالطريقة دي

كان لازم اقف مع نفسي وقفة

واقعد أحسبها من تاني

طبعا الموضوع لازمله حبة تركيز

وقراءة جيدة للوضع الراهن

واتخاذ مجموعة من القرارات الصعبة

عشان ده كله كان لازم اخد اجازة

ياااااااااااااااااااااااااااااااااه حقيقي انا سعيد اني اخدت اجازه من الشغل وهقعد في البيت حوالي تسع ايام بحالهم والموضوع ده طبعا مش بيحصل كتير

والحمد لله ان الاجازة دي جت في وقتها تماما مع انتهاء سنة قديمه وبداية سنة جديده عشان الواحد ينظم امور حياته شوية خصوصا اني السنة اللي فاتت كانت اول سنة شغل ليا واتعلمت حاجات كتير منها وحاجات تانية اتلغبطت خالص

ادعولنا ان الواحد يقدر يستفيد من الاجازة دي عشان نقدرنكمل في طريق الحياة

كل سنة وانتوا طيبين

2007-12-14T22:46:00.000+02:00

الي كل مسلم يعيش علي هذا الكون أقول

الي ابائنا واساتذتنا وشيوخنا المعتقلين أقول

الي اخواننا في فلسطين والعراق وافغانستان والشيشان وكل بلد يحارب فيها الاسلام أقول

الي كل أحبائي واخواني واولهم اخي وحبيبي احمد السباعي

وشلة يوم الخميس

سنوسي وقطب وغازي وحمدي ومعوض واسامه وباد وخطاب وحسام

واخواني في الحي وكل اخواني من ايام الجامعه وكل من عرفت من الاخوان

أقول لهم

السي في يا محترم 2

2007-12-07T17:37:00.000+02:00

كنا وكنتم وكان الحديث عن السيره الذاتيه

وعدنا وعدتم وعاد الحديث عن السيره الذاتيه

نقاط هامه عند كتابة السيرة الذاتيه

1-حدد هدفك

الهدف في السيرة الذاتيه يكتب في سطرين او تلاته بس خلي بالك كويس ان

انك ممكن تكتب الهدف لمجرد انه لازم يكتب في السيرة الذاتيه يعني من الاخر تفبركه

وممكن تكتبه في سطرين اوتلاته برده بس تكون انت مقتنع بيه وتسعي اليه فعلا وساعتها هيكون ليه اثر هايل جدا علي حياتك كلها

ولاهمية هذا الموضوع لازم تقروا الموضوع من علي الموقع ده

http://www.leaderships.org/

هتلاقوه تحت بند اخبار تهمك بعنوان الاهداف مابين تحديدها والتخطيط لها

بس بجد الموضوع ده جامد جدا جدا جدا لحياتك كلها مش الشغل بس

2- انجليزي ده يا مرسي

طبعا زي ماقلنا قبل كده ان لو في اعلان عن وظيفة حتي لو كانت في شركة تحت السلم فالشركة دي بتكتب في الاعلان انه

لازم يكون التقدير علي الاقل جيد وفي اللغه يكون good command

فطبعا لازم سيادتك تكون مستعد لانك هتتسأل في المقابله الشخصيه عن القصه دي وده علي حسب المكان اللي انت رايحه وبرده بعيدا عن الواسطه والمعارف يعني في اماكن بتخلي المقابله جزء منها عربي وجزء انجليزي وفي اماكن كل المقابله بتكون بالانجليزي وطبعا طبعا في شركات بتبقي كاتبه في الاعلان كده بس منظره يعني والمقابله كلها بتكون بالعربي

فلازم سيادتك لو كنت زي حالاتي كده في الانجليزي تبدأ وتلحق نفسك من بداية الحياة الجامعيه او من الوقتي لو مكنتش بدأت
3-الصدق في المعلومات واستخدام ادواتك المتاحه
يعني بلاش شغل الافلام الهندي اللي بنسمع عنه ده لان في ناس متخصصه في كده فيكتبلك سي في زي الفل

وانك واخد دورات كذا وكذا وكورسات في كذا وكذا وعندك مهارات كذا وكذا

وحضرتك تتزنق في المقابله لو اتسألت عن التفاصيل في حاجه من الحاجات دي ومكنتش حقيقيه

بس في نفس الوقت لازم تستخدم الادوات المتاحه معاك عشان برده السي في مايبقاش فاضي لو انت لسه خريج جديد

مثلا مثلا يعني
لوانت متخرج من كليتنا العظيمه اللي هي تجاره ونويت انك تتخصص في التسويق ومكنتش خدت قبل كده كورسات خارج الجامعه في المجال ده

طب مااحنا عندنا في الكليه درسنا ماده كامله عن التسويق- ومواد متعلقه بيها لو هتدخل قسم الاداره- والدكاتره اللي بيحاضروا فيها ليهم اسمهم ومشهورين

فايه المانع انك تكتب في السي في بتاعك انك اخدت كورس في التسويق مع الدكتور فلان الفلاني خصوصا ان في دكاتره عندنا في الكليه بيطلبوا ابحاث -قليلين جدا جدا-فبرده تكتب البحث واسمه

وبرده لو انت اخدت محاضرات ومكنتش في مكان رسمي يعني مكنش في شهاده بتاخدها بعد المحاضره دي او الكورس

برده ممكن تكتبها

وعلي فكره انا الكورسات اللي كنت واخدها وكاتبها في السي في بتاعي لما جيت اشتغل ماطلبش مني اثبات اني اخدت الكورسات دي

بس ماشاء الله هاراني اسئله في مضمون الكورسات دي ومحتوياتها

4-اياك والاخطاء الكتابيه
لما تيجي تكتب السي في بتاعتك لازم تتراجع كويس جدا لانها هتكون مكتوبه بالانجليزي طبعا
فياريت يكون حد متخصص في اللغه اللي يراجع وراك عشان دي بتعبر عن قدراتك في اللغه عند الشخص اللي بيقرأ السي في

5-لاترفق الصوره الشخصيه مع السي في الااذا طلب منك ذلك وطبعا في استثناء ان يكون شكلك زي القمر زيي كده
6-لما تيجي تتطبع السي في لازم يكون علي ورق نضيف مثل الورق المقوي والملون لان ده بيدي انطباع ايجابي عنك
بكده تقريبا نكون خلصنا الموضوع بتاع السي في
واللي عاوز اي مشوره فيه ياريت يبعتلي علي الايميل بتاع المدونه yeswalano@hotmail.com
ولو عاوزين حد متخصص اوي ودي شغلته مش هتلاقوا احسن من صديقي العزيز وحبيبي احمد السباعي
معلش يا ابو سباعي انا عارف اني بدبسك بس انت اكيد مش هتتأخر عن حد يعني ولا ايه؟؟؟؟؟
برده بكده هنكون انتهينا من الجزء الاول من تجاره ولا هندسه وكنا اتكلمنا فيها عن
1- تجارة ولا هندسه
2-عن تجارة اتحدث
3-السي في يا محترم 1
4-والتدوينه دي
واتمني اني اكون وصلتلكوا حبة المعلومات الصغيرين اللي عندي فما كان فيهم من توفيق فمن الله وماكان فيهم من تقصير فمن نفسي والشيطان واتمني من الله ان يتقبل مني
اما الجزء التاني من الموضوع فمش هيكون متتابع زي كده بس هيكون تدوينات متفرقه مثلا كل شهر او شهرين تدوينه
وكل مره ان شاء الله هنخلي حد متخصص ومتميز في الشغل بتاعه يكلمنا عنه يعني مثلا
هنستضيف واحد متخصص في التسويق وواحد بتاع محاسبه وواحد بتاع hr وهكذا
وياريت اللي عنده اقتراح يفيدنا بيه

السي في يا محترم 1

2007-11-23T22:29:00.000+02:00

دي اول كلمه هتتقال لسيادتك بعد التخرج ان شاء الله

فياتري هيكون ردك ايييييييييييييييييييييييييييييييه يا محترم

وسيله تعارف

بعيدا عن الواسطه والمحسوبيه والمعارف السي في بتاعك هيكون وسيلة التعارف بينك وبين الشركه اللي انت مقدم فيها وطبعا طبعا بيتم

تكوين الانطباع الاول عنك وعن قدراتك وتعليمك ومهاراتك و...الخ

وعلي اساس الانطباع الاول ده بتقرر جهة العمل امكانية عمل المقابلة الشخصيه مع سيادتك ولا لأومن هنا كان السي في هو الانطلاقة الاولي لايجاد فرصة عمل مناسبة ومن هنا تنبع اهمية السي في

قالوا عن السي في

1-بعد التخرج ان شاء الله

لو عملنا حصر للوسط اللي احنا عايشين فيه (اصحابنا واهلنا وجيراننا)وسألناهم كام واحد اهتم بأنه يعمل السي في من بعد سنه اولي جامعه هنلاقيهم اعداد قليله جدا لانه بيعتبر السي في ده مالوش لازمه الا بعد التخرج بمعني اصح لما يلاقي شغلانه لان ساعتها اكيد هيطلبوا منه السي في وده طبعا بنقوله انك واهم لان ساعتها هتلاقي السي في بتاع سيادتك فاضي يعني يدوبك هيكون فيه معلومتين تلاته اربعه كده كده لازم يتكتبوا في السي في اصلا زي انك خريج الجامعه الفلانيه وساكن في المكان الفلاني........ وطبعا الكلمتين دوول لايغنوا ولايسمنوا من جوع في قوة السي في

في حين انك لو مهتم من بعد السنه الاولي ليك في الجامعه انك يكون ليك سي في محترم يزداد ثقلا وخبرات ودورات بمرور السنين هتلاقي نفسك بعد مرور سنوات الجامعه حاطط رجل علي رجل وبتوفيق من الله وحده ان شاء الله هتلاقي الشغل المناسب لانك ساعتها هتكون اخدت بالاسباب وده مايطلق عليه (بناء السي في )ايوه بجد هو بناء زي اي بناء تاني لانك في السنه الاولي هتخطط انك علي سبيل المثال هتبدأ في دورات اللغه الفلانيه واللي هتستمر معاك لمدة ثلاث سوات وهتبدأ في السنه الاولي في الكورسات الخاصة بمجال الكمبيوتر

وبعدين في اجازه الصيف بعد السؤال والبحث عن مجالات العمل المتاحه بعد التخرج هتركز علي المجال الفلاني اللي انته حبيته وتبدأ تمارسه علي ارض الواقع وتكون فكره عامه عنه وهكذا في باقي السنوات بحيث يكون التركيز بشكل متوازي علي تنميه مهاراتك وقدراتك عن طريق الكورسات في المجالات المختلفه من جانب وعلي الجانب الاخر يكون التركيز علي ممارسة عده مجالات للعمل علي ارض الواقع وتكوين فكره عامه عنها والمجالات دي مفروض ان سيادتك بعد تكوين الفكره العامه دي تبدأتقرر هتكمل في انه مجال من دووووووووول

حتي نكون عمليين

عشان نكون عمليين اكتر ونطبق الكلام اللي اتقال فوق ده وعشان الناس تفهم الكلام ده كويس هنحكي قصة لاحد الشباب ويدعي احمد

احمد صاحب ال17 عاما يدخل في عامه الاول في كلية التجاره قرر الاتي

1-اختار لنفسه وسيلة فهم المواد التي تناسبه (حضور محاضرات او الدروس او السكاشن او المذاكره من الكتب الدراسيه نفسها )وبعدها انتظم في مذاكرته اسبوع بأسبوعه

2-احمد شاف انه عنده نقطة ضعف واضحه جدا في اللغه الانجليزيه وعشان كده خد قرار بالالتحاق بأحد الكورسات في اللغه الانجليزيه من اول تيرم له

3-ركز في الكمبيوتر علي انه في السنه الاولي دي لازم يتعلم حاجتين ويتقنهم كويس وهما (word-Excel )

4-اخد عهد علي نفسه انه خلال التيرمين هيحاول يجمع اكبر قدر من المعلومات عن الاقسام الموجوده في الكليه (التخصص بيكون من سنه رابعه)ومن ثم المجالات المتاحه من خلال هذه الاقسام يعني مثلا لو دخل قسم اداره ممكن يشتغل في التسويق او مجال الموارد البشريه او ...الخ ولكن لو دخل قسم المحاسبه يا اما هيشتغل محاسب في شركه او محاسب في مكتب محاسبه او......الخ وهكذا

5-بعدما شعر احمد بان رغبته وقدراته وامكانياته تتجه لمجال التسويق قرر النزول الي ارض الواقع وممارسة هذا المجال عمليا عن طريق التدريب في احد الشركات خلال الاجازه الصيفيه

العام الثاني

1-الاستمرار في كوسات اللغه

2-بعد الاقتناع التام بمجال التسويق قرر الدخول في احد الكورسات في هذا المجال

3-التدريب الصيفي لدي احد الشركات في مجاله اللي هو التسويق يعني

وهكذا في السنه الثالثه والرابعه

يا شباب احمد ده كله كان بيعمل حاجه واحده واللي قلنا عليها من شويه الاوهي بناء السيره الذاتيه له(السي في)ا

لان احمد بالشكل ده بعد السنه الرابعه هيكون معاه تقدير كويس ولغه مميزه وكورسات في الكمبيوتر وكورسات في المجال اللي هو حبه اللي هو التسويق علي سبيل المثال وكمان عنده خبره من خلال التدريب الصيفي لدي الشركات وعنده كمان كم من المعارف من خلال هذا التدريب وبعد ده كله احمد هينتقل بسهوله لمرحلة مابعد السي في وكما يطلق عليها البعض( كيف تسوق نفسك) وده هيكون عن طريق السي في العظيم بتاعه عن طريق ارساله الي الاماكن اللي اتدرب فيها اوعن طريق مواقع التوظيف المختلفه علي النت او غيرها وعن طريق المعارف

وبكده هيكون السي في بتاع احمد مميز عن غيره من السي فيهات الاخري وهيكون انطباع اول جيد عنه

ملاحظة أخيره

1-قد يبدوا الكلام مثالي شويتيتن وان مفيش حد بيعمل القصص والحوارات دي كلها بس انا حابب اني ااقلك ان اللي بيعملوا الكلام ده موجودين بالفعل حتي وان كان خمسه بس من كل 100 فرد هما اللي بيعملوا الكلام ده فليه انت ماتكونش واحد منهم وده عشان تكون خريج متميز عن غيرك زي ماقلنا قبل كده

2عشان بس محدش يفهمني غلط ويقول عليا ابو العريف-انا_واعوذ بالله من كلمة انا _عن نفسي ماعملتش الكلام ده وبندم علي كده اشد الندم الوقتي وان كنت بفضل الله مرتاح في شغلي جدا بس لو كان الواحد عمل الكلام ده كان الموضوع هيفرق معاه كتير في الشغل وماعملتش الكلام ده لان فعلا محدش كان فهمنا الكلام ده من سنه اولي وبدأنا نستوعب القصص دي من بعد سنه تالته

ونفس الموضوع دلوقتي للاسف لو سألنا حد من سنه اولي او تانيه اوتالته عن الكلام ده فمش كتير اللي هيكونوا عارفينه

وعشان كده بنحاول علي قد مانقدر نوصل المعلومات البسيطه دي اللي علي قدنا وانا عارف ان فيه ناس من اللي هيقروا التدوينه دي عندهم معلومات وخبرات اكتر قياريت يفيدونا بيها

الكلام لسه ماخلصش عن السي في

وان شاء الله نكمل التدوينه القادمه وهنبدأها بنموذج لدكتور في الجامعه وهنشوف ازاي الدكتور ده بني السيره الذاتيه بتاعته

بس يارب الاقي الموقع بتاعه علي النت عشا ن اجيب السي في بتاعه كما انزل

سلااااااااااام

نفسي أعمل زيه

2007-11-19T23:44:00.000+02:00

عن تجاره أتحدث

2007-11-02T14:20:00.000+02:00

المشكله نفسيه مش اكتر

ايوه المشكله نفسيه مش اكتر لان اللي بيدخل الكليه زي ماقلنا في التدوينه السابقة بتبقي حالته النفسيه زي ال.....لانه كان نفسه يدخل كليه تانيه ولان كلية تجاره في معتقداته _معتقداته هو بس مش انا _فيها كم من المشاكل كالاتي

ممكن حديقول ان المواد الدراسيه مالهاش اي لازمه

وده بنقوله ان كلامك مش صح بدليل انك بجانب المواد المحاسبيه بتاخد مواد تانيه تفيدك انت كبني ادم حتي لو مش هتتخصص فيها زي مثلا مادة السلوكيه ومادة ادارة الافراد والاداره العامه والتسويق وغيرها

واما تيجي لسنه رابعه وتتخصص قدامك 3 أقسام

1- قسم المحاسبه وده لو دخلته هتدرس فيه حوالي 7 او 8 مواد محاسبيه علي مدار التيرمين

2- وقسم الاداره وده لو دخلته هتدرس فيه حوالي 6او 7 مواد اداريه وحتي المواد المحاسبيه بيكون فيها التركيز علي الجانب الاداري اكتر

3-قسم التأمين

يبقي المشكله مش في المواد انما ممكن تقول ان المشكله في عدم حضور المحاضرات وعدم الاهتمام بالكتب كمرجع مفيد في هذه المواد او انك مابتحبش الدكتور الفلاني فعشان كده مش هتحضرله ودي كلها اخطاء كنا بنقع فيهاوطبعا البديل لده كله هو الملخصات بتاعة المكاتب اللي بره وده اللي ودانا في داهيه

كلها محصله بعضها

ممكن حد تاني يكون داخل الكليه والموضوع مش فارق معاه يعني هيذاكر عشان مجرد النجاح

لانه معتقد انه لما يتخرج ان موضوع التقدير ده مش هيفرق... يعني امتياز من جيد جيدا من جيد من مقبول مش هتفرق كتير

لانه في الاخر خريج تجاره وده برده بنقوله ان كلامك مش مظبوط لان اللي بيجيب امتياز في الكليه وبياخد ترتيب بيقبي دكتور جامعه

تصدقوا دي اه والله بيقبي دكتور جامعه والمعلومه دي قد تبدوا طبيعيه للبعض بس اللي داخل كلية التجاره قليل جدا اللي عارفينها ومقتنعين بيها وحتي القليلين دول القليل منهم اللي بيسعي ليها وبيطبقها

علي سبيل المثال لو عدينا مثلا الدكاتره الموجوده في كلية تجارة القاهره من الاخوان هنلاقيهم لا يتجاوزوا اصابع اليد الواحده

وتعال مثلا للعدد الموجود في كليه زي الهندسه او الطب او العلوم

فهنلاقيهم ماشاء _نمسك الخشب يعني_ا

يعني حتي الثقافه دي موجود عند الاخوان كمان

ولو جينا للشغل في المجالات المختلفه فالتقدير بتاع سيادتك بيفرق برده

علي سبيل المثال انا ليا زميل في الشغل كان متخرج وجايب تقدير جيدا جدا وانا كان تقديري جيد بس

وبنشتغل نفس الشغلانه ونفس الدرجه الوظيفيه ومع ذلك مرتبه اعلي مني عشان تقديره اعلي

ومثال تاني لو قريت اي اعلان لاي شركه وطالبه تخصص ما من خريجي كلية التجاره هتلاقي الغالبيه العظمي منهم طالبين تقدير جيد علي الاقل حتي لو كانت شركه تحت بير سلم يعني مالهاش لازمه

ومثال تالت البنوك مثلا مش بتقبل حد اقل من جيد طبعا الا اللي معاه واسطه

مش لاقيين يا كلوا

خريج التجاره في نظر البعض مش لاقي ياكل وحالته بالبلي

والنقطه دي تحديدا بترنفزني جدا وبترنفز اكتر من ناس بعينها وصلت للناس الاحساس ده

ماتعرفش بقي ...جايز خايفين من الحسد ...ممكن برده

وطبعا هنا بنؤكد اولا علي نقطة ان الارزاق بيد الله

يقول الحق تبارك وتعالي (وفي السماء رزقكم وما توعدون)ا

فلاداعي للقلق

يقول احد التابعين علمت ان رزقي لن يأخذه غيري فاطمئن قلبي

بس عشان نطمن خريج الكليه العظيم ونحفزه

بنقوله ان في ناس بتتخرج واول تعيين ليهم بيكون علي الف والفين والناس دي انا اعرفهم شخصيا وموجودين حواليك في كل مكان يعني مش كلام في الهوي

واعرف ناس كمان تعبت سنه وسنتين وتلاته ومرتبهم الوقتي 4 او 5 الاف جنيه

يعني مش بس المهندسين او الاطباء هما اللي مرتبتهم عاليه

وطبعا لا ننكر ان هناك شريحه عظمي من خريجي الكليه العظيمه بتاعتنا مرتبهم في البدايه يتراوح بين ال300 وال800 حنيه

بس صدقني لو انت كنت مميز وكنت مطلوب في سوق العمل

اكيد مرتبك في البدايه مش هيقل عن 1000 حنيه

مش كل حاجه فلوس

طبعا ممكن واحد متكونش الفلوس عنده مهمه قد مايكون المهم عنده انه يحس انه بيقدم حاجه جديده يفيد بيها دينه ويساعد في نهضة البلد دي

وده هنقوله أنت اكيد في الكليه الصح عشان زي ماقلنا لما بتكون انسان عادي اكيد هتقدم حاجه عاديه

انما خريج الكليه المتميز لما ان شاء الله يتخرج عنده من المجالات اللي يقدر يقدم فيها كل ماهو جديد ومبدع

مثلا مجال زي الموارد البشريه مش منتشر للاسف في مصر وحتي الشركات اللي بطبقه معظمها مش بطبقه صح ده لو كانت بطبقه كله اصل،مع ان مجال الموارد البشريه لو انتشر بالمفهوم الصح بتاعه هيكون له مفعول السحر علي باقي المجالات وده لان اي شركه محترمه ايا كان نشاطها لازم يكون عندها قسم لادارة الموارد البشريه

فياتري مين اللي هيساعد علي نشر المجال ده ؟؟؟

مثال تاني مجال المحاسبه مثلا للاسف الشديد ان اكبر مكتب مراجعه في مصر وهو الشهير ب ح .ح وطبعا كلكوا تسمعوا عنه المكتب ده وان كان يبدوا للبعض انه مصري وصاحبه مصري فلاسف الكلام ده مش مظبوط لان المالك الاساسي لهذا المكتب هو مكتب مراجعه كبير في امريكا ولا ن القانون لايسمح بوجود مكاتب مراجعه للاجانب فعشان كده هما حاطين الاسم ده واجهه ليهم مش اكتر وغيره كتير من مكاتب المراجعه بتعمل كده برده

فاحنا محتاجين فعلا برده ان احنا نكون علي مستوي الناس دي وننافسهم

بس مين اللي يعمل كده؟؟؟

واخيرا مجال زي البنوك فبدل ماكل يوم نعد نلعن البنوك الربويه ونقول ان الربا حرام

فالناس محتاجه وبقوه للبديل الاسلامي وللاسف البديل اللي عندنا في مصر اقل وصف له انه هزيل جدا جدا جدا

فمين يا تري اللي هيقدم البديل ده ؟؟؟؟؟؟؟؟

وغير ها وغيرها من المجالات اللي احنا محتاجين نبدع فيها عشان نساهم في نهضة بلدنا
أخيراً

ازاي تكون مميز ومطلوب في سوق العمل ده اللي هنبدأ فيه من التدوينه القادمه ان شاء الله

انا حاولت علي قد ما اقدر في التدوينه دي اني ازيل الحواجز النفسيه الموجوده عند طالب كلية التجاره

عشان من المره الجايه ان شاء الله نكون مستعدين نفسيا ان احنا نغير من نفسنا للاحسن طبعا

ونكون فعلا مؤهلين لسوق العمل

طلب صغير

يا ريت اللي عنده اضافه علي الكلام اللي انا قلته يفيدنا به او اللي عنده مشكله معينه بتواجهه في الكليه ولم تذكر يا ريت يقولنا عليها ونحلها مع بعض عشا ن من المره الجايه ان شاء الله

هندخل في الكلام العملي

هندسه ولاتجاره

2007-10-20T03:46:00.000+02:00

من الثانويه

دي كانت كل مشكلتي وانا في الثانويه العامه

اني لازم اذاكر كويس عشان ادخل هندسه

ونفس المشكله بتواجه ناس كتير اوي من طلبة الثانويه (علمي رياضه طبعا)ا

وكل الناس بتحسسك انك لو مادخلتش هندسه يبقي انت ضعت وروح ولع في نفسك احسن

لانك هتتدخل كلية تجاره كليه الشعب يعني

يدوبك 45 الف بني ادم مش كتير اوي يعني والعدد ده موجود بالفعل في تجارة القاهره

وشاءت الاقدار اني ادخل بالفعل كلية تجارة القاهره

وطبعا ساعتها كنت مدمر نفسيا

ااقول ايه للناس واداري خيبتي القويه ازاي

ويا شماتة ابله ظاظا فيا

هو بصراحه ماحدش لامني بس كنت حاسس بنظرات مش اللي هيا من الناس اللي حواليا

وفضل الحال علي ماهو عليه وكنت بسمع كتير من الناس من اخوانا اللي كانوا بيشجعوا الواحد

علي المذاكره وكنت بسمع كلامهم بس من جوايا مش مقتنع تماما باني اذاكر

طب وهذاكر ليه عشان اطلع في الاخر حتة محاسب في شركه واخدلي300 او 400 جنيه في الشهرومهما عملت هافضل برده محاسب _

ودي كانت فكرتي عن خريج تجاره انه لازم يشتغل في الحسابات واخره يعني لما يتمعظم (جايه من العظمه)ا_

هيمسك الحسابات في الشركه بعد عمرطويييييييييييييل طبعا

بس كنت مقتنع ان الحسابات دي كلام فارغ

ومينفعش الواحد يفضل طول عمره قدام الارقام كده ويعمل حاجات روتينيه ممله بشكل دوري

المراجع المالي فلان الفلاني يتحدث

المكان : واحد من اكبر مكاتب المراجعه

الزمان :اجازة سنه تالته كليه

الاشخاص

صديق اخويا وواحد من مديرين تلاته في هذا المكتب

المدعو وائل اللي هو انا يعني

المناسبه :تحت ضغط كبير من الناس اللي حواليا خصوصا اخويا الكبير اني لازم اروح اتدرب

في المكتب واشوف الحياه العمليه علي طبيعتها وكان رد فعلي ساعتها اني مش هروح ولو علي جثتي وده طبعا عشان الخلفيه الجميله اللي عندي عن الحسابات

المهم بعد شد وجذب ومناقشات قبلت علي طريقه خد فكره واشتري بكره وكمان كنت عاوز احدد هادخل قسم ايه في سنه رابعه

محاسبه ولا اداره

داخل المكتب

اول لقاء ليه مع صديقنا المدير وطبعا قعد يكلمني عن نفسه وازاي هو وصل للي فيه وقد ايه تعب

وطبعا كنت معجب بكلامه جدا وبسيرته وكفاحه ووعدني بقعده تانيه يكلمني فيها عن المحاسبه وفروعها

بعد القعده التانيه دي عرفت كويس اللي بيتخرج من قسم محاسبه ايه المجالات اللي تتوفرله في الشغل وغير عندي كل المعتقدات

اللي كنت اعرفها عن خريج قسم محاسبه كلية التجاره

وبعدين وداني للاستشاري الاداري بتاع المكتب عشان يكلمني عن الاداره وبعد القعد معاه اتغيرت برده كل المعتقدات اللي اعرفها عن خريج قسم ادارة الاعمال كلية التجاره

بغض النظر انا اخترت ايه وليه اخترت المجال ده

بدأت بعد الشهر ده اسأل اكتر واستفسر اكتر عن الكلام النظري اللي انا سمعته جو المكتب

فتردد امامي ورأيت الاتي

فلان الفلاني مدير المبيعا ت في الشركه الفلانيه واللي هو خريج تجاره

وفلان الفلاني مدير التسويق في الشركه الفلانيه واللي هو خريج تجاره برده

وفلان الفلاني مدير المشتريات في الشركه الفلانيه واللي هو خريج كلية تجاره

وفلان الفلاني المدير المالي للشركه الفلانيه واللي هو خريج كلية التحاره

وفلان الفلاني مدير ادارة الموارد البشريه في الشركه الفلانيه واللي هو خريج كلية التجاره

وغيرهم وغيرهم كتير اوي

وساعتها بدأت نظرتي تتغير عن الكليه واكتشفت اني خلال السنوات الاولي ليا في الكليه كان عندي معتقدات كتير

جدا غلط وبدأت في انقاذ مايمكن انقاذه وايقنت تماما ان خريج كلية التجاره ليس دوره فقط ان يكون احد المديرين اللي ذكرتهم بل وايضا يمكن ان يضيف من خلال هذا الدور اشياء كثيره للمجتمع في مجالات سوف نتحدث عنها ان كان في العمر بقية

في التدويتات القادمه

1-عن كلية تجاره اتحدث

2-لو سيادتك في تجاره تعمل ايه(كذا تدوينه ان شاء الله )ا

واللي هنتاول فيها ان شاء الله الحديث بالتفصيل عن مالا يعرفه الناس عن كلية التجاره

وايه المؤهلات اللي اللي لازم تكون عند خريج كلية التحاره عشان يتخرج ويشتغل في المكان الصح واللي لازم يبدأيكتسبها من سنة اولي

ملحوظه اخيره

الكلام مش للناس الموجوده في كليات التجاره بس

يا جماعه دي معنقدات كتير غلط عند الناس كلها عن الكليه العظيمه دي ولازم كلنا نعرف الصح فيها ايه

لانك اكيد ليك قريب او صاحب في الكليه دي وعنده نفس المعتقدات الخاطئه

والاكيد الاكيد انك هيكون ليك قريب في ثانويه عامه وخايف جدا انه يخش الكليه عشان الكلام اللي بيسمعه عنها

انتظرونا قريبا جدا والصح والغلط في كلية التجاره

يارب تقبل منا اعمالنا في رمضان

2007-10-09T16:11:00.000+02:00

فى وداع رمضان
لا يا أمير الشعراء

شعر: الدكتور جابرقميحة

وداعا يا أعز الاصدقاء

2007-09-10T08:28:00.000+02:00

فيديو لعلاء ولقطات من حياته

http://www.4shared.com/file/24108556/7ba7c9ca/___.html

انا لله وانا اليه راجعون

توفي الي الل تعالي صديق من اعز واحب الاصدقاء الي قلبي

علاء عصام جبه

معلش انا اعجز الان ان اكتب او افكر في شئ غير وفاة المحبوب من الجميع ومن اعز الاصدقاء والاخوه اللي قابلتهم في حياتي

انا كتبت فقط لابلغ من لايعرف

ولنا عوده ان شاء الله بعد ذلك

تحديث

كان من المعتاد لي ان يصلني خبر وفاه لاحد الاباء او الامهات او الاقارب لاصحابي

وعندها يكون الخبر محزن جدا ونذهب سريعا لنكون بجانب هذا الاخ في مصيبته

ولكن بالامس كان الخبر مختلفا ووقع علي كالصدمه

فعند الساعه الواحده والنصف ليلا يتصل بي اخي احمد السباعي

ويخبرني بان المتوفي هذه المره هو علاء نفسه

لم اصدق او اكذب

استوعبت الخبر بعد تفكير طويل

وبعدها قمت علي الفور لاتأكد من الخبر من شدة الذهول

واتصلت فعلا بأقرب الناس اليه في بلدته محمود درويش

وبعد اتصال منه لاحد الاشخاص اكد لي هذا الخبر

علاء لم يكن مجرد اخ لي في الجامعه فالذاكره تحمل له الكثير من الذكريات الجميله

فقد تعرفت عليه من بدايه العام الدراسي الاول في سنه اولي تجاره في الجامعه منذ خمس سنوات

علاء حبيبي ...كان يحمل الكثير من خفة الظل والتي جعلته محبوبا من قبل اصغراخ الي اكبر اخ في الجامعه

والتي جعلتني استرجع كل مداعبه وكل كلمه مرح قالها لي

كان ايضا علي علاقه طيبه بكل اهل مدرجه من غير الاخوان وكانوا يحبونه كثيرا

علاء حبيبي ...اوذي من قبل حيوانات امن الدوله في بداية حياته الدعويه وكان ذلك بعد النصف الاول من سنه اولي تجاره

وبجد ده كان هيبقي اختبار صعب لاي حد فينا انه يتعرض لهذا الاذي من بداية ممارسته لحياته الدعويه

ولكن عشان هو راجل وكان متربي احسن تربيه فالموقف ده لم يؤثر عليه اطلاقا واكمل مسيرته في دعوته

بل كان من اكثر الناس نشاطا في دعوته وفي حماسته وفي غيرته علي دعوته

علاء حبيبي...كنت اراه في الجامعه شبه يوميا وبعد الجامعه وقد مر عام علي تخرجنا كنت اراه من فتره لاخري

واسمع صوته ولم تنقطع صلتنا ابدا ولا انكر انه هو الذي كان يبادرا بعد التخرج بالاتصال بي فقط للاطمنئان علي

وكان يطلب مني ومن كام اخ ان احنا نتقابل دوريا

فلن انسي ابدا يا صديقي هذه الاماكن التي كنا نلتقي فيها علي الخير داخل وخارج الجامعه فكل مكان منهم يحمل لك كل حب وكل خير

علاء حبيبي ...لم اكن اعلم ابدا ان هذه المره التي التقيتك فيها منذ حوالي الشهر هي المره الاخيره التي اراك فيها واااااااااه لوعلمت

لم اكن اعلم ان هذه المره هي المره الاخيره التي اري فيها بسمتك التي لاتفارقك ابدا

وهي المره الاخيره التي اسمع فيها صوتك واسمع فيها تعليقاتك المرحه

لم اكن اعلم ان هذه هي المره الاخيره التي اسلم عليك فيها واحضنك لتغادر ولو كنت اعلم لما تركت حضنك

اتذكر تلك الكلمات الاخيره التي ودعتني بها اخر مره واوصيتني بأن نبقي علي اتصال ولكن تأتي الرياح بما لاتشتهي السفن

علاء حبيبي ...ارجوا منك ان تسامحني ان كنت قصرت في حقك او زعلتك في يوم من الايام

ولكني اشهد الله ان احبك في الله كثيرا كثيرا كثيرا

علاء حبيبي ...اتشوق لتلك اللحظه التي تجمعني بك عند حوض النبي بأذن الله تعالي لندخل الجنه سويا بأذن الله

حبيبي علاء ...تنتهي كلماتي الي هنا ولكن سوف اتذكر كل مكان قابلتك فيه وسأتذكر كل كلمه قلتها لي وسأتذكر كل سرور ادخلته الي قلبي وسأتذكرك دائما بالدعاء علي الافطار في رمضان وبعد ذلك

لن انسي ابدا اي ذكري جميله عشتها معك

علاء يا جماعه مات غريقا بعد حادث بالسياره فنسأل الله ان يتقبله شهيدا كما جاء في الحديث والغريق شهيدا

ياريت ندعيله عند الفطار في رمضان كل يوم وبعد رمضان طبعا

اللهم يارب ان كان ضيفنا سنكرمه ...فما بالنا انه الان ضيفك فأكرمه واغفر له وارحمه

اللهم تقبل منه كل خطوه وكل كلمه وكل حركه وكل صدقه وكل صلاه وكل دعاء وكل قيام وكل قراءة للقرآن

واجعل ذلك في ميزان حسناته

اللهم عامله بما انت اهله ولاتعامله بما نحن اهله

اللهم اجعل في قبره نورا ومن فوقه نورا ومن تحته نورا وعن يمينه نورا وعن شماله نورا

اللهم نجه من القبر وظلمته ونجه من القبر ووحشته ونجه من القبر وضمته

اللهم ثبته عند سؤال الملكين

اللهم اجعل قبره روضة من رياض الجنه واره مقعده من الجنه

اللهم امين

سلام الله عليك يا علاء ورحمته وبركاته

شكراً أيها النظام

2007-08-28T23:15:00.000+03:00

" كان لأحد الملوك وزير حكيم وكان الملك يقربه منه ويصطحبه معه في كل مكان. وكان كلما أصاب الملك ما يكدره قال له الوزير "لعله خيراً" فيهدأ الملك. وفي إحدى المرات قُطع إصبع الملك فقال الوزير "لعله خيراً" فغضب الملك غضباً شديداً وقال ما الخير في ذلك؟! وأمر بحبس الوزير. فقال الوزير الحكيم "لعله خيراً"، ومكث الوزير فترة طويلة في السجن. وفي يوم خرج الملك للصيد وابتعد عن الحراس ليتعقب فريسته، فمر على قوم يعبدون صنم فقبضوا عليه ليقدموه قرباناً للصنم ولكنهم تركوه بعد أن اكتشفوا أن قربانهم إصبعه مقطوع, فانطلق الملك فرحاً بعد أن أنقذه الله من الذبح تحت قدم تمثال لا ينفع ولا يضر وأول ما أمر به فور وصوله القصر أن أمر الحراس أن يأتوا بوزيره من السجن واعتذر له عما صنعه معه وقال أنه أدرك الآن الخير في قطع إصبعه، وحمد الله تعالى على ذلك. ولكنه سأله عندما أمرت بسجنك قلت "لعله خيراً" فما الخير في ذلك؟ فأجابه الوزير أنه لو لم يسجنه لصاحبه فى الصيد فكان سيُقدم قرباناً بدلاً من الملك... فكان في صنع الله كل الخير"

الاحداث الاخيره التي مرت بها جماعة الاخوان المسلمين _والتي اشرف بالانتماء لها_من اعتقالات ومحاكمات عسكريه ومصادرة للممتلكات والتي راح ضحيتها اناس من خيرة قادتها يري بعض اغبياء النظام الحاكم وحاشيته انها سوف تقضي عليها وانهم بذلك سوف يقضون علي آمالها

ولكن نحن نقول للنظام الفاسد شكرا لكم

شكرا لكم لانه مع كل اعتقال للشرفاء سواء كانوا اخوانا او غير اخوان يزداد الشعب كرها لكم

شكرا لكم لان حملة التحريض والافتراءات التي تقودونها ضد الاخوان وتستخد مون فيها الصحف الحكوميه والاقلام المأجوره بها

وتستخدمون فيها كل ما اوتيتم من قوه في وسائل الاعلام كل هذا ماهو الا دعايه للاخوان لان معظم الشعب الان قد اصبح واعيا لما تقولون ولم يعد يصدق اي كلام تفترون بيه علي الاخوان بل ان الجماعه تكسب الان تعاطف الشعب معها لانهم يعلمون تماما حجم التضحيات التي يقوم بها الاخوان من اجل نهضة هذا البلد ويعلمون تماما اساليبكم القمعيه والمستبده التي تمارسونها ضدهم

شكرا لانكم مع كل اعتقال لهؤلاء الشرفاء تجعلونا نحن شباب الاخوان نستمسك بجماعتنا اكثر واكثر ونضحي من اجل فكرتنا بالغالي

والثمين ونستقطع من اموالنا وجهودنا ووقتنا لكي تنجح الفكره ونجقق اهدافنا ونرضي ربنا

شكرا لكم لانكم ان كنتم اعتقلتم الدكتور عصام العريان واخوانه من الشرفاء فنحن نوعدكم بأنه سيكون منابأذن الله الالاف

من امثال الدكتور عصام العريان واخوانه لاننا سوف نسيربأذن الله علي خطاهم

رساله الي الاخوان في كل مكان

1-ضاقت فلما استحكمت حلقاتها فرجت وظننتها تفرج

فلا وقت لليأس لان نصر الله قادم لا محاله والله غالب علي امره ولكن اكثر الناس لايعلمون

2-الان هو وقت العمل وليس وقت الكلام ورفع الشعارات وليس وقت اليأس والبكاء علي اللبن المسكوب

فنحن الان نحتاج ان نستغفر عن تقصيرنا في حق دعوتنا ونحتاج لمضاعفة الجهود والاحتكاك الفعلي مع المجتمع من حولنا

فليعاهد كل منا ربه انه من الان لن يبخل بوقت او مال او جهد في سبيل دعوتنا وبالتالي في سبيل كرامة واصلاح احوال هذا البلد وغيره

الإمام البنا نتذكره وهو يصف لنا أتباعه: "قد سهرت عيونهم والناس نيام، وشغلت نفوسهم والخليون هُجَّع، وانكبَّ أحدهم على مكتبه من العصر إلى منتصفِ الليل عاملاً مجتهدًا، ومفكرًا مجدًّا، ولا يزال كذلك طول شهره، حتى إذا ما انتهى الشهر جعل مورده موردًا لجماعته، ونفقته نفقةً لدعوته، وماله خادمًا لغايته، ولسان حاله يقول لبني قومه عن تضحيته: ﴿لا أَسْأَلُكُمْ عَلَيْهِ مَالاً إِنْ أَجْرِي إِلاَّ عَلَى اللَّهِ﴾

(هود: من الآية 29) فنتعلم منه الانشغال الكامل بدعوتنا وقضايا أمتنا.

نتذاكره وهو يخاطبنا: إنَّ الأمةَ التي تُحسن صناعة الموت، وتعرف كيف تموت الموتةَ الشريفةَ يهب الله لها الحياة العزيزة في الدنيا والنعيم الخالد في الآخرة، فأعدوا أنفسكم ليومٍ عظيم، واحرصوا على الموتِ تُوهب لكم الحياة، واعلموا أنَّ الموتَ لا بدَّ منه، ولا يكون إلا مرة واحدة، فإن جعلتموها في سبيل الله كان ذلك ربح الدنيا وثواب الآخرة".. فنتعلم منه كيف تكون التضحية في سبيل الله والدعوة

، يقول الامام الشهيد : "أتصور المجاهد شخصًا أعد عدته، وأخذ أهبته، وملك عليه الفكر نفسه، فهو دائم التفكير، عظيم الاهتمام، على قدم الاستعداد أبدًا، إذا دُعِيَ أجاب، غدوه ورواحه، حديثه وكلامه، جده ولعبه، لا يتعدى الميدان الذي أعدَّ نفسه له، ترى في بريق عينيه، وتقرأ في قسمات وجهه، وتسمع من فلتات لسانه، ما يدلك على ألم دفين في صدره"، هكذا عاش الإمام البنا حياة المجاهد حتى لقي ربه شهيدًا

رساله الي قادتنا داخل السجون والمعتقلات

نسأل الله لكم ولعائلاتكم الثبات ونسأل الله ان يتقبل منكم هذه التضحيات ويجعلها في ميزان حسناتكم

ونشهد الله اننا تعلمنا منكم الكثير والكثير واننا علي دربكم ماضون

رساله الي النظام الفاسد المستبد

نحب ان نعلمكم ان الحق لا بد وان يعلو علي الباطل وان طال انتظار الحق

والله غالب علي امره ولكن اكثر الناس لايعلمون

واخيرا نقول شكرا لكم شكرا لكم شكرا لكم

أبو دماغ كبيره

2007-08-03T00:48:00.000+03:00

هنشوفه في كل حته

ممكن نشوفه لما حضرتي او حضرتك نقف في المرايه

او هنلاقيه وسط اصحابنا

او في التلفزيون

او في الشغل عند حضرتك

او ممكن نشوفه بيظهر ويختفي بيتواجد علي فترات يعني لما حضرتك وحضرتي نكون بنتناقش في موضوع او بناخد قرار معين

شعاره في الحياه يا ارض اتهدي ماعليك قدي

تقعد معاه يحسسك انه بيفهم في كل حاجه وانك لازم ترجعله في كل صغيره وكبيره

لما يقول رأيه يقوله بطريقه مستفزه جدا مافيهاش اي تواضع ولا فيها احتمالية انه ممكن يكون غلطان ولو بنسبة واحد في المائه

ممكن يكون مثقف شويه وبناء عليه يحسسك انه قري امهات الكتب وخاض من التجارب مايؤهله انه يقول رأيه في كل حاجه

واكيد اكيد بيدي لنفسه حق الاجتهاد مش في تخصصه بس لاخالص

وغير تخصصه كمان مش احنا قلنا انه قراله كتابين في الموضوع ده فاكيد لازم يجتهد في الموضوع ده

ويا سلام لو حد كلمه بنفس اللهجه او انتقده في نقطه معينه

طبعا هيغضب جدا وهيقعد يبرر للناس انه كان بيعمل كذا عشان كذا وانه قصده من الموضوع الفلاني الشئ العلاني

لا يتهم نفسه ابدا

مع انه دائم الاتهام للناس

مع انه كل مابيشوف واحد قدامه لازم يقيمه ومن اول نظره كمان لا ده ممكن من غير مايشوفه ولا يقابله كمان يقيمه

عن طريق مثلا انه سمع موقف من فلان عنه او مثلا قراله موضوع في مدونته

الموضوع كمان مش بيقف عند تقييم الاشخاص واتهامهم بدون وجه حق لا ده ممكن يوصل لالفاظ سيئه زي مابنشوف في التعليقات علي بعض المدونات الاخري

يسعي دائما ان يكون في المقدمه وان يكون القائد

وتفرق معاه قوي مين الشخص اللي فوقيه واشمعني يكون ده فوقيه مش هو او اي حد تاني

ما بيعرفش حاجه اسمها مشوره لان دماغه كبيره زي القلقاسه

فمش محتاج شوري من حد مع انه خبرته قد تكون ممتازه في مجال ولكن اكيد مش هتبقي كده في كل المجالات

عند الاختلاف في الرأي والاتفاق بالشوري علي رأي غير رأيه

تتعالي منه صيحات النقد الذاتي للمكان اللي هو فيه او للجماعه او الشركه اللي هو بنتمي اليها

ويبدأ في نشر الغسيل الغير نظيف للناس كلها تحت دعاوي النقد الذاتي

يميل للتنظير وتشخيص المشاكل دون الاحتكاك الفعلي ودون النزول الي ارض الواقع

فهو نادرا مايكون مع صفوف المنفذين لانه -ابو دماغ كبيره يعني-مشغول بمعالي الامور

واللي يرنفزك اكتر واكتر بقي انه ممكن يكون مشتغلش في الحاجه اللي بيتكلم عليها بايده قبل كده ويقعد يكلم عن تشخيص المشكله والحلول

بطريقه مثاليه جدا بعيده عن ارض الواقع

اخيرا في حكمه جميله اوي بتقول ان الطبله قد تصدر صوتا عاليا ومسموعا ولكنها من داخلها فاضيه

بجد بجد نعوذ بالله من انكون مثل الطبله فنصدر اصواتا عاليه ولكن مابداخلنا فاضي

ونعوذ بالله من انكون حسورا يعبر بها الناس الي الجنه ثم تهوي بنا في النار

بصوا هو الكلام مش مترتب شويتين وممكن يكون في كلام صح وكلام غلط بس انا حبيت اطلع اللي جوايا بخصوص الموضوع ده وخلاص

عشان انا بضايق جدا من نفسي لما بكون بدماغ كبيره

وبضايق برده لما يكون في ناس بدماغ كبيره وما اكثرهم

ملاحظات كده علي السريع

1-التعريف الطبيعي لواحد بأن دماغه كبيره هو ان الشخص ده بيتصرف بحكمه واتزان ..........الخ وصفات كتير كويسه

بس مش هو ده المعني اللي انا اقصده هنا انا اقصد بابو دماغ كبيره اي بني ادم شايف نفسه شويتين يعني واخد مقلب في نفسه

وحاسس انه وصل بتجاربه وقراءاته وخبراته لدرجه شبه ملائكيه معصومه من الاخطاء

2-يقول الحق تبارك وتعالي

ياأيها الذين آمنوا أجتنبوا كثيرا من الظن ان بعض الظن أثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه وأتقوا الله ان الله تواب رحيم ) سورة الحجرات آية 12"

اوعي حد فينا يقعد يظن في الناس ظن سوء(انه دماغه كبيره ) لمجرد الشك فيه واصلا لايجوز حتي وان كان الظن ده بداخله لانه كده بيرتكب اثم شرعي وماعلينا سوي النصح للاخرين دون تجريح او ظن او اتهام بغير وجه حق

3-اللي عنده صفات تانيه بيشوفها في الراجل ده -ابو دماغ كبيره-يقولنا عليها عشان ناخد بالنا منها

وطبعا طبعا لازم نقول حلول عمليه عشان نعالج بيها المشاكل اللي عند الراجل ده وحطوا ميت الف خط تحت حلول عمليه
يعني لعل وعسي يكون فينا امل وحالنا ينصلح

ماحك جلدك مثل ظفرك

2007-07-28T17:34:00.001+03:00

هل احسست يوما انك وحيد

هل احسست يوما بانك تعامل من حولك وتمد لهم يد العون وفي المقابل يقابلون الاحسان بالاساءه

هل عاملت الناس بحسن ظن وقابلوك هم بسوء الظن

هل احتجت يوما لان تفضفض لا حد من الناس فلم تجد

هل اتت عليك ايام كثرت فيها همومك ومشاكلك ولم تجد احد بجوارك تستند اليه ويكون لك خير معين

هل احببت يوما صديق ما وكنت تتضرب بيه المثل ثم خاب ظنك فيه

اذا كنت من هؤلاه احب ان اذكرك بهذ الحكمه الشرقيه التي كان يرددها الكرد كلما وجدا انفسهم وحيدين الا وهي

ماحك جلدك مثل ظفرك .....فتول انت جميع امرك

يعني بالبلدي ماحدش هيحس بيك اكتر من نفسك فلابد ان تعتمد علي نفسك

عامل الناس بالاحسان كما كنت ولكن ان لم يعاملوك بالمثل فلا تتعجب ولا تحزن واجعلها لله

كن بجوار الناس دائما في مشاكلهم ودعهم يفضفضون لك وكن خير مستمع لهم وخير معين لهم ولكن ان لم يعاملوك بالمثل فلا تتعجب ولا تحزن واجعلها لله

اذا كنت تحب صديقا لك ثم خاب ظنك فيه فلا تتعجب ولا تحزن فهذا حال الدنيا واجعلها لله

ركز في اهدافك وخطط لمستقبلك واصلح من نفسك ولكن لا تنتظر احدا لانه قد يأتي اولا يأتي هذا الشخص

واخيرا فالحر من راعي وداد لحظه

اخيرا اكتب هذه التدوينه من اجل صديق لي مر بهذا الشعور وحكي لي بالامس عنه

ولانه يحدث لكل منا ويمر عليه مواقف مشابهه

ابتسامه صادقه

2007-07-16T16:22:00.000+03:00

حين رأيتها تذكرت معني الابتسامه ........عذرا تذكرت معني الابتسامه الصادقه

نعم حين رأيتها هي

بداية القصه جت من ان طبيعة عملي اني بقابل كم كبير من العملاء يوميا في مقر عملي وممكن العملاء دول ينتظروا كتير لغاية ماييجي دورهم فطبيعي اول ماالعميل بيجي دوره بيكون مخنوق جدا من طول الانتظار خاصة لو هو عنده مشوار ومستعجل

وفي يوم كانت الدنيا زحمه جدا وكنت مضغوط جدا في الشغل وكان اليوم ده في شد وجذب بيني وبين عملاء كتير طبعا بالكلام

لغاية ماجه الدور علي احدي العميلات

والقت التحيه وهي تبتسم ابتسامه لم ارها من قبل الاقليلا ........عذرا ابتسمت ابتسامه صادقه لم ارها من قبل

ثم طلبت مني الخدمه التي جاءت من اجلها واختصرت كلماتها في كلمتين اوثلاثه ولم تزد عليهم وكانت ايضا وهي تتطلب تبتسم نفس الابتسامه.......عذرا نفس الابتسامه الصادقه

دقيقه او دقيقتين والقت التحيه وانصرفت وهي تبتسم نفس الابتسامه الصادقه

انت هتلخبط في الكلام ولا ايه وائل

اولا عشان ماحدش يفهمني غلط الست دي كانت سوداء ولبسها محترم جدا جدا و من مقام والدتي يعني سنها كبير جدا (تجاوزت ال45 )يعني قدي مرتين وشويه

بس فعلا اتعلمت منها حاجات كتير جدا

1-اناكنت اليوم ده مشدود جدا وعلي اعصابي بس بعد مافكرت شويه في اللي عملته هذه السيده المحترمه بدأت انا اللي خفف علي العملاء واهظر معاهم والصراحه انا مش بعرف اعمل الكلام ده الالو الشغل مش مضغوط وده كان ليه اثر واضح علي العملاء وكانوا خارجين مبسوطين

2-وصفي للابتسامه بانها صادقه لاني بتعامل مع عملاء كتير قوي منهم ناس كتير بتتضحك طبعا بس دول بيكونوا عملاء دايمين عندي يعني بشوفهم تقريبا يوميا او يوم ويوم وبنكون واخدين علي بعض(الرجاله بس طبعا) اما هذه السيده لم تأتي قبل ذلك الا مره او مرتين علي الاكثر ومش قريبة المدير يعني كانت مستنيه في الدور بتاعها زي كل الناس ولا ليها عندي اي مصلحه لان الخدمه اللي هي طالباها كده كده هاتاخدها مش بمزاجي يعني و مع ذلك فعلت ما فعلت و احسست بانها تتعامل بنفس الطريقه مع كل الناس بالبلدي كده قلبها ابيض وصافي ومش بتكره حد وعشان كده هي بتبتسم هذه الابتسامه

3-ذكرتني بالنبي (ص) حيث يصف الدكتور عائض القرنى ابتسامة النبى فيقول :- (( يبتسم عن مثل البدر فى وجه أبهى من الشمس وجبين أزهى من البدر وفم أطهر من الأقحوان وخلق أندى من الرياض وود أرق من النسيم يمزح ولا يقول إلا حقاً فيكون مزحه على أرواح أصحابه أهنى من قطرات الماء على كبد الصادى وألطف من يد الوالد الحانى على رأس ابنه الوديع يمازحهم فتنشط أرواحهم وتنشرح صدورهم وتنطلق أسارير وجوههم فلا والله مايريدون الدنيا كلها فى جلسة واحدة من جلاته ولا والله لا يرغبون فى القناطير المقنطرة من الذهب والفضة فى كلمة حانية وادعة مشرقة من كلماته ))

فهل احد منا يحمل هم اكثر مما كان يحمله النبي (ص)فلم الهم والحزن والتكشير الذي يعبر عنه وجهنا

4-ذكرتني بكلمه قرأتها في احد المقالات للاستاذ احمد امين عن الابتسامه حيث يقول

ليس المبتسمون للحياة أسعد حالاً لأنفسهم فقط بل هم كذلك أقدر على العمل وأكثر احتمالاً للمسئولية وأصلح لمواجهة الشدائد ومعالجة الصعاب والإتيان بعظائم الأمور التى تنفعهم ونفع الناس و لو خيرت بين مال كثير أو منصب خطير وبين نفس راضية باسمة لاخترت الثانية فما المال مع العبوس ؟! وما المنصب مع انقباض النفس؟! وما كل ما فى الحيا إذا كان صاحبه ضيقاً حرجاً كأنه عائد من جنازة حبيب ؟! وما جمال الزوجة إذا عبست وقلبت بيتها جحيما ؟! لخير منه –ألف مرة- زوجة لم تبلغ مبلغها فى الجمال وجعلت بيتها جنة

5-ذكرتني بقول ديل كارنيجي في احد كتبه وهو يتكلم عن الابتسامه فيقول

إنها لا تكلف شيئاً ولكنها تعود بالخير الكثير

إنها تغنى أولئك الذين يأخذون ولا تفقر أولئك الذين يمنحون

إنها لا تستغرق أكثر من لمح البصر لكن ذكراها تبقى إلى آخر العمر

لن تجد أحد من الغنى بحيث يستغنى عنها ولا من الفقر فى شىء وهو يملك ناصيتها ؟

إنها تشيع السعادة فى البيت وطيب الذكر فى العمل وهى التوقيع على ميثاق المحبة بين الأصدقاء

إنها الراحة للتعب وشعاع الأمل للبائس وأجمل العزاء للمحزون

وبرغم ذلك فهى لا تشترى ولا تستجدى ولا تقترض ولا تسلب

إنها شىء ما يكاد يؤتى ثمرته المباركة حتى يتطاير شعاعا

اخيرا يجب ان نضع هذا القول الشهير في اذهاننا

" إن الداعية الذى لا يعرف كيف يبتسم لا ينبغى له أن يمارس الدعوة قبل أن يتعلم فن الابتسامة

أسال نفسك وجاوب بصراحه هل ابتسامتك تكون صادقه تنبع من قلب صافي يحمل الخير لكل الناس؟؟؟

ام انك تبتسم من اجل اشياء اخري؟؟؟؟

ام انك لا تبتسم اصلا؟؟؟؟؟؟؟

تأكد انها ان كانت من قلب صافي يحمل الخير لكل الناس فسوف يكون لها بالغ الاثر كتلك الابتسامه من هذه السيده المحترمه

الابتلاء بالمرض سنه ماضيه

2007-07-14T01:41:00.000+03:00

الحقيقه اني قريت الموضوع ده في احد المواقع وعجبني جدا جدا وقلت لازم احطه عندي في المدونه تحت بند حاجة في نفس يعقوب قضاها

حكم المرض وفوائده : 1 . استخراج عبودية الضراّء وهي الصبر : - إذا كان المرء مؤمناً حقاً فإن كل أمره خير ، كما قال عليه الصلاة والسلام : " عجباً لأمر المؤمن إن أمره كله خير ، وليس ذاك لأحد إلا للمؤمن ، إن أصابته سراّء شكر فكان خيراً له ، وإن أصابته ضراّء صبر فكان خيراً له " [1]

2 . تكفير الذنوب والسيئات : - مرضك أيها المريض سبب في تكفير خطاياك التي اقترفتها بقلبك وسمعك وبصرك ولسانك ، وسائر جوارحك . - فإن المرض قد يكون عقوبة على ذنب وقع من العبد ، كما قال تعالى { وما أصابكم من مصيبة فبما كسبت أيديكم ويعفو عن كثير } - يقول المعصوم – صلى الله عليه وسلم - : " ما يصيب المؤمن من وَصب ، ولا نصب ، ولا سقَم ، ولا حزن حتى الهمّ يهمه ، إلا كفر الله به من سيئاته " [2] .

3 . كتابة الحسنات ورفع الدرجات : - قد يكون للعبد منزلة عظيمة عند الله سبحانه وتعالى ، لكن العبد لم يكن له من العمل ما يبلغه إياها ، فيبتليه الله بالمرض وبما يكره ، حتى يكون أهلاً لتلك المـنزلة ويصل إليها . - قال عليه الصلاة والسلام : " إن العبد إذا سبقت له من الله منـزلة لم يبلغها بعمله ، ابتلاه الله في جسده أو في ماله أو في ولده ، ثم صبّره على ذلك ، حتى يبلغه المنـزلة التي سبقت له من الله تعالى " [3]

4 . سبب في دخول الجنة : - قال – صلى الله عليه وسلم - : " يود أهل العافية يوم القيامة حين يعطى أهل البلاء الثواب ، لو أن جلودهم كانت قرِّضت بالمقاريض " صحيح الترمذي للألباني 2/287

. 5 . النجاة من النار : - عن أبي هريرة – رضي الله عنه – أن النبي – صلى الله عليه وسلم – عاد مريضاً ومعه أبو هريرة ، فقال له رسول الله – صلى الله عليه وسلم - : " أبشر فإن الله عز وجل يقول : هي ناري أسلطها على عبدي المؤمن في الدنيا لتكون حظه من النار في الآخرة " السلسلة الصحيحة للألباني 557 .

6 . ردّ العبد إلى ربه وتذكيره بمعصيته وإيقاظه من غفلته : - من فوائد المرض أنه يرد العبد الشارد عن ربه إليه ، ويذكره بمولاه بعد أن كان غافلاً عنه ، ويكفه عن معصيته بعد أن كان منهمكاً فيها

. 7 . البلاء يشتد بالمؤمنين بحسب إيمانهم : - قال عليه الصلاة والسلام : " إن عظم الجزاء مع عظم البلاء ، وإن الله إذا أحب قوماً ابتلاهم ، فمن رضي فله الرضا ، ومن سخط فله السخط " حسنه الألباني في صحيح الترمذي 2/286 . - *

بشرى للمريض : - ما كان يعمله المريض من الطاعات ومنعه المرض من فعله فهو مكتوب له ، ويجري له أجره طالما أن المرض يمنعه منه . - قال – صلى الله عليه وسلم - : " إذا مرض العبد أو سافر كتب له مثل ما كان يعمل مقيماً صحيحاً " رواه البخاري 2996 . -

* الواجب على المريض : - الواجب على المريض تجاه ما أصابه من مرض هو أن يصبر على هذا البلاء ، فإن ذلك عبودية الضراء . - والصبر يتحقق بثلاثة أمور : 1 . حبس النفس عن الجزع والسخط 2. وحبس اللسان عن الشكوى للخلق .3 . وحبس الجوارح عن فعل ما ينافي الصبر .[4] -

* أسباب الصبر على المرض : - 1 . العلم بأن المرض مقدر لك من عند الله ، لم يجر عليك من غير قبل الله . - قال تعالى { قل لن يصيبنا إلا ما كتب الله لنا هو مولانا وعلى الله فليتوكل المؤمنون } ، وقال تعالى { ما أصاب من مصيبة في الأرض ولا في أنفسكم إلا في كتاب من قبل أن نبرأها } - قال عليه الصلاة والسلام : " كتب الله مقادير الخلائق قبل أن يخلق السماوات والأرض بخمسين ألف سنة " مسلم 2653. -

2 . أن تتيقن أن الله أرحم بك من نفسك ومن الناس أجمعين : - عن عمر بن الخطاب – رضي الله عنه – قال : قدم على النبي – صلى الله عليه وسلم – سبيٌ ، فإذا امرأة من السبي وجدت صبياً فأخذته ، فألصقته ببطنها وأرضعته ، فقال النبي – صلى الله عليه وسلم - : " أترون هذه المرأة طارحة ولدها في النار ؟ قلنا : لا وهي تقدر أن لا تطرحه ، فقال : لله أرحم بعباده من هذه بولدها " البخاري 5999 . -

3 . أن تعلم أن الله اختار لك المرض ، ورضيه لك والله أعلم بمصحتك من نفسك : - إن الله هو الحكيم يضع الأشياء في مواضعها اللائقة بها ، فما أصابك هو عين الحكمة كما أنه عين الرحمة . -

4 . أن تعلم أن الله أراد بك خيراً في هذا المرض : - قال عليه الصلاة والسلام : " من يرد الله به خيراً يصب منه "[5] أي يبتليه بالمصائب ليثيبه عليها . -

5 . تذكر بأن الابتلاء بالمرض وغيره علامة على محبة الله للعبد : - قال – صلى الله عليه وسلم - : " إن عظم الجزاء مع عظم البلاء ، وإن الله إذا أحب قوماً ابتلاهم " صحيح الترمذي للألباني 2/286

. - 6 . أن يعلم المريض بأن هذه الدار فانية ، وأن هناك داراً أعظم منها وأجل قدراً : - فالجنة فيها ما لا عين رأت ولا أذن سمعت ولا خطر على قلب بشر . - قال – صلى الله عليه وسلم - : " يؤتى بأنعم أهل الدنيا من أهل النار يوم القيامة ، فيصبغ في النار صبغة ، ثم يقال : يا ابن آدم : هل رأيت خيراً قط ؟ هل مرّ بك نعيم قط ؟ فيقول : لا والله يا رب . ويؤتى بأشد الناس بؤساً في الدنيا من أهل الجنة ، فيصبغ في الجنة صبغة ، فيقال له : يا ابن آدم هل رأيت بؤساً قط ؟ هل مرّ بك شدة قط ؟ فيقول : لا والله يا رب ما مرّ بي بؤس قط ولا رأيت شدة قط "[6] – الصبغة أي يغمس غمسة . -

7 . التسلي والتأسي بالنظر إلى من هو أشد منك بلاء وأعظم منك مرضاً : - قال عليه الصلاة والسلام : " انظروا إلى من هو أسفل منكم ، ولا تنظروا إلى من هو فوقكم ، فهو أجدر أن لا تزدروا نعمة الله عليكم " [7] وأسأله سبحانه أن يشفي مرضانا ومرضى المسلمين وآخر دعوانا أن الحمد لله رب العالمين . ------------------------------------------- [1] رواه مسلم (2999 ) . [2] البخاري 5641 . [3] صحيح أبي داود للألباني 2/597 . [4] عدة الصابرين لابن القيم ص 13 . [5] البخاري 5645 [6] مسلم 2807 . [7] مسلم 2963 . .

يلا ندون صح 2....... الواجبات العمليه

2007-07-12T23:22:00.000+03:00

زي ما اتفقنا قبل كده ان الموضوعات اللي فيها نقاشا ت وكلام واراء (مش كل التدوينات طبعا)لازم نخرج منها بواجبات عمليه وان الواجبات العمليه دي هتكون ملزمه لشخصي مش لزوارالمدونه طبعا يعني الحاجات دي في الاخر تعبر عني فقط وعن ما كنت اهدف اليه من البوست وما استفدته من تعليقات زوار المدونه الكرام

نبدأ بقي

1-كل خطوه جديده في حياتك لازم تخطط لها كويس قبل ماتبدأفيها ولازم تحط لنفسك اهداف واضحه انت عاوز تحققها من خلال الخطوه دي

2-نظم وقتك جيدا وراعي الاولويات

3-لا تقل ما لا تعلم فإن الله سبحانه قد فرض على كل جوارحك فرائض يحتج بها عليك يوم القيامة

4-عند الاختلاف في الرأي تذكر
قول الامام الشافعي "رايي صواب يحتمل الخطأورأي غيري خطأيحتمل الصواب"وقال ايضا والله لوددت ان يظهر الله الحق ولو علي لسان خصمي"ا

5- لابد ان تكون نيتك في كلامك كله لله ليس الا

6-ان يكون هناك واجبات عمليه تلزم بها نفسك وتنصح بها غيرك

دي بعض الحاجات اللي ان شاء الله هحاول اني التزم بيها في التدوين واللي عنده اضافه يا ريت يفيدنا

الف مليون مبروك

2007-07-06T17:05:00.000+03:00

الف مليوووووووووووووووووووووووون مبرووووووووووووووووووووووووووووووووووووووووووك

لكل الناجحين في كلية التجاره العظيمه

نتيجة كلية تجاره ظهر جزء منها امبارح والباقي ظهر النهاره

الناجح يرفع ايده ..............نهني في عيدنا وعيده

الف مبروك ياقطب انت ومعوض وايهاب وكل الناس

وتهنئه خاصه للخرييجين واولهم طبعا حبيبي احمد السباعي

وشوقي والجارحي وبلال وسيد وكل دفعة رابعه

ونقول برده قدر الله وماشاء فعل وربنا يكون في عون كل اللي لم يوفق السنه دي وان شاء الله بالتوفيق السنين الجايه

اخيرا الخبر ده كان عاجل ومكنش ينفع يعدي كده ويمر مرور الكرام من غير مانهني ونبارك

وهنكمل ان شاء الله الواجبات العمليه ليلا ندون صح التدوينه القادمه

يلا ندون صح

2007-06-30T15:13:00.000+03:00

يلا ندون صح

طبعا كل واحد فينا قبل النوم بيقعد يفكر في اللي حصل في يومه النهارده ياتري عمل ايه صح وعمل ايه غلط واكيد النصيب الاكبر في التفكير بيكون للحدث الاكبر في اليوم
في واحده من تلك الليالي دخلت معي نفسي في حوار شديد اللهجه حيث كان هذا اليوم هو يوم البث المباشرللمدونه بتاعتي 23/6/2007

وكنت مرهق جدا جدا وجعان نوم كمان ودار هذا الحوار بيننا

نفسي : تعال هنا انت هتنام كده علي طول ...لالا اصحي كده وفوق واحكيلي عن الجريمه اللي انت ارتكتبها النهارده
وائل : جريمه ؟؟؟؟جريمة ايه ؟؟

نفسي : اه طبعا هوانت فاكر ان التدوين ده حاجه سهله واي حد يقول اللي هو عاوزه واي حد يتكلم في اي حاجه وده بقي غير وقتك اللي هتضيعه في القصه دي و.........ا
وائل: بس بس كفايه كده اهدي بس وتعالي نتكلم بالعقل عن التدوين مش عن الجريمه

نفسي: ماشي يا عم العاقل ممكن بقي تقولي انت عملت مدونه ليه
وائل: عشان انا انسان بشر بني ادم يعني بيحس وبيفرح وبيزعل وبيعمل حاجات صح وحاجات غلط وعاوز اعبر عن ده كله وافيد الناس باللي عندي والناس يفيدوني باللي عندهم

نفسي :ماشي ياوائل بس انت عارف ان الموضوع كده ممكن يا خد من وقتك كتير زي الناس اللي بقت كل حياتهم الوقتي علي النت لدرجة ان الواحد ممكن يكون مقصر في حاجات اساسيه في حياته زي عباداته وزي واجباته الدعويه وشغله .....الخ وماشاء الله علي مدونته جميله جدا ده غير ان انت يدوبك بترجع من الشغل علي 6 او 7 بيقي اليوم فاضله 4 او 5 ساعات بالكتير ومطلوب منك طبعا انك تتابع المدونه دوريا و تخش علي المدونات التانيه اللي عددها ماشاء الله وتعلق عليها

وائل: لا انا طبعا مش همشي في الشارع وهاقعد اكلم نفسي ياتري هاعمل ايه في المدونه النهارده ياتري الموضوع ده هينفع للمدونه ولا لأ ياتري هرد ازاي علي التعليق الفلاني
مش هعمل كده طبعا لان الموضوع فيه اولويات وان شاء الله هنظم وقتي بحيث لو جاتلي اي فكره او خاطره في اي وقت هكتبها بدون

الاستغراق في تفاصيلها وهخلي يوم في الاسبوع انقي فيه الفكره المناسبه واعرضها في المدونه يعني هخصص وقت لكتابة الموضوعات الجديده علي سبيل المثال ساعتين اسبوعيا ووقت للرد والتعليقات
ولو حسيت في يوم من الايام ان التدوين بيأثر علي الحاجات الاساسيه في حياتي هعمل زي استاذ مجدي في هصلي.. هدون

نفسي: طيب انت مش خايف من الكلام اللي بتقوله يعني كتير من المدونين الوقتي ممكن عشان قراله كتابين ولا موضوعين بيدي
لنفسه الحق انه يحكم علي اي حاجه يشوفها حتي لو مكنش علي درايه كامله بيها

وائل: في فرق كبير بين الداعي الي الله وبين العالم فالداعي الي الله ممكن يذكر الناس بقال الله وقال الرسول(ص)ا
وكده يعني اما العالم فده من حقه يكلم في الامور الشرعيه والفقهيه والافتاء وخلافه زي استاذ عمرو خالد كده دايما يقول انا داعي الي الله مش عالم فمحدش يسالني عن الحلال والحرام عشان دول ليهم ناسهم المتخصصين زي الدكتور يوسف القرضاوي وغيره
المدون نفس القصه هو مش عالم ولا احاط بكل شء علما وبالتالي فانا هنا اعبر رأيي في الحاجات اللي عارفها كويس وعندي معلومات اكيده عنها والمواضيع دي مش هبني عليها احكام وان ده واجب وده فرض لا خالص
انا مش هتكلم عن حاجه انا مش أهل اني اتكلم فيها

نفسي : ايوه بس انت كده هدخل نفسك في حوارات تانيه خالص وهي الرأي والرأي الاخر وهتبقي في مناقشات ساخنه وهنا يا صاحبي النيه هيكون ليها عامل كبير في الموضوع فيا تري نيتك هتكون لله ولا عشان تدافع عن رأيك ولا عشان الشهره ولا ايه

وائل :النقطه الاولي احنا منتهيين منها وهي الرأي والرأي الاخر لانها شئ مطلوب للوصول للصح وللغلط واكيد في الاخر لازم نحترم الاراء الاخري وبنكرر تاني نتعاون فيما اتفقنا عليه ويعذر بعضنا بعضا فيما اختلفنا فيه
اما قصة النيه دي فهي المشكله الكبيره وفعلا ربنا يستر

يقول الحق تبارك وتعالي "وقدمنا الي ماعملوا من عمل فجعلناه هباء منثورا"سورة الفرقان
وفي الحديث القدسي يقول الحق تبارك وتعالي "انا اغني الاغنياء عن الشرك فمن عمل عملا اشرك فيه غيري تركته وشركه"رواه مسلم
يقول النبي (ص) "ان الرجل لينطق بالكلمة من سخط الله لا يلقي لها بالا تهوي به في النار أبعد ما بين المشرق و المغرب "ا
بس ده كله لا يمنع من التدوين يقول الفضيل بن عياض: "العمل من أجل الناس شرك، وترك العمل من أجل الناس رياء، والإخلاص أن يعافيك الله منهما"ا
فالصح ان احنا ندون بس يكون نيتنا لله مش عشان اي حاجه تاني
قياريت حضرتك تفكريني قبل واثناء وبعد كتابة الموضوعات والتعليقات بأن النيه تكون لله

نفسي: طيب انا هاسيبك تدون بس بشرط عشان الكلام يكون ليه لازمه لا زم بعد كل موضوع فيه نقاشات
يعقبه موضوع بيلخص الواجبات العمليه اللي حضرتك طلعت بيها من خلال البوست بتاعك ومن خلال المناقشات بينك وبين زوار المدونه الكرام والموضوع ده هيكون في شكل نقط مختصره جدا وهتكون ملزمه مش لزوار المدونه طبعا انما هتكون ملزمه لحضرتك فيما بعد
وائل : موافق طبعا

يا تري كان ايه الصح وايه الغلط في الحوار اللي فات ؟؟؟؟؟؟

ياتري فيه ايه تاني لازم ناخد بالنا منه واحنا بندون ؟؟؟؟؟؟؟؟

يلا مستني تعليقاتكم عشان ندون صح

صح ولا غلط

2007-06-06T18:42:00.000+03:00

زمان ايام الدراسه في المدرسه اوفي الكليه كنا بنفرح بالسؤال ده أوي_صح ولاغلط_ لانه

كان اسهل سؤال في الامتحان

وكنا بنزعل شويتين لما السؤال ده يجي مع التعليل

اما السؤال ده لو الدكتور مثلا قال انه مش جاي في الامتحان كنا بنصرب اخماس في اسداس_مصطلح بيدل علي الحيره_ا

اماالوقتي

وبعد مرور عام كامل فقط علي تخرجي من الجامعه ودخولي للحياه العمليه اهرب من هذا السؤال كثيرا

لانه فعلا اصبح اصعب سؤال في حياتي

بسأل نفسي دايما انا خلال السنوات اللي فاتت ياتري اتعلمت ايه كان صح وايه اللي كان غلط

طب والوقتي ايه الصح في حياتي وايه اللي غلط

كل واحد مننا عنده شغله العملي او الدنيوي واللي بيرجع منه اكيد مهدود وفاصل باور

وكل واحد مننا عنده شغله الدعوي _لو كان من الاخوان _او اي نشاط انساني بيعمله

عندنا أ سرنا وعائلاتنا اللي لازم نهتم بيهم خصوصا اللي متجوز مننا(ربنا يكون في عونه )ا

عندنا الجيران اللي لازم نتواصل معاهم

عندنا احبابنا واصحابنا

عندنا جانب التنميه الشخصيه (القراءه -الكورسات في مجال شغلك

دي كانت حاجات علي سبيل المثال لا الحصر وفي حاجات تاني كتير في ذهن كل واحد مننا لازم يرا عيها في حياته

ازاي تنظم حياتك في ظل كل هذه الواجبات وازاي تتعامل مع المشاكل الموجوده فيها

عشان كل ده كلنا لازم نقف وقفه للمحاسبه وانا اولكم

هتكلم عن بعض المشاكل اللي واجهتني وعرفت اتعامل معاها ومشاكل تانيه لسه مغلباني لغاية النهارده ومش عارف اتعامل معاها

هتكلم عن خواطري الشخصيه في النقط دي

هتكلم عشان

الصح نعملوه..... والغلط نصلحوه.... والرأي الاخر نناقشوه

ملاحظات سريعه

1-انا اكتب هنا عن رأيي الشخصي فبرغم اني انتمي للاخوان المسلمين ولكن ما يقال هنا يعبر عن رأي احد افرادها ولا يعبر عن الجماعه مطلقا

2-دعونا نتعاون فيما اتفقنا عليه ويعذر بعضنا بعضا فيما اختلفنا فيه فالمدونه اسعي فيها لايجاد حل لبعض المشاكل التي يعاني منها المواطن المصري المفحوت واللي انا والاخوان كلهم جزء منه فأتمني ان نسعي جميعا للبناء لا للهدم

3-كنت متحفزا جدا لفكرة التدوين منذ حوالي اربعة اشهر خصوصا بعد قيام صاحبي الانتيخ قصدي الانتيم _السباعي -بعمل مدونه له ولكن بيني وبينكم بعد اللي حصل في استاذ مجدي ترددت كثيرا وقلت لما عمنا مجدي بجلالة قدره بيحصلوا ده كله لمجرد انه بيقول رأيه امال هيعملوا فيا انا ايه؟؟

بس بعد الفحص والمحص قلت دام انا ليه اهداف من التدوين ده يبقي لازم اكمل واللي عاوز يعمل حاجه يعملها_بس ما حدش يشتم ولا يضرب _ا

كفايه عليكوا كده النهارده

المره الجايه اولي تدويناتي مع يلا ندون صح

سلام بقي