حاجه غريبه
بقالي فتره مش قادر اكتب عن اي موضوع خالص
رغم اني في كذا حاجه كانت في دماغي في الفتره اللي فاتت دي كنت عاوز اكلم عنها
بس كل ماأأقعد عالكمبيوتر يطلعلي ميت عفريت ويفكروني بحاجات تانيه لازم اخلصها الاول
مره حاجات بخصوص الشغل الدنيوي وطبعا لازم اخلصها
ومره تانيه بخصوص الشغل الدعوي والمعاد الفلاني اللي لازم احضرله كذا وكذا وكذا
ومره تالته بخصوص الواجبات والزيارات العائليه اللي لازم تتعمل
وهكذا وهكذا وهكذا
انا بكتب البوست ده عشان اعمل حاجه الناس بتوع الاداره بيقولوا عليها كسر حالة الجمود او ودي بتكون عشان تكسر الحواجز النفسيه بينك وبين الشخص اللي قدامك فانا بكتب البوست ده عشان اكسر حالة الجمود التدويني اللي عندي
وان شاء الله هظبط وقتي قريبا وارجع تاني بس انتوا تتدعولي
