لما حسيت ان الدنيا حواليا بالمنظر الجميل ده
وحسيت ان تفكيري مشتت بالطريقة دي
كان لازم اقف مع نفسي وقفة
واقعد أحسبها من تاني
طبعا الموضوع لازمله حبة تركيز
وقراءة جيدة للوضع الراهن
واتخاذ مجموعة من القرارات الصعبة
عشان ده كله كان لازم اخد اجازة
ياااااااااااااااااااااااااااااااااه حقيقي انا سعيد اني اخدت اجازه من الشغل وهقعد في البيت حوالي تسع ايام بحالهم والموضوع ده طبعا مش بيحصل كتير
والحمد لله ان الاجازة دي جت في وقتها تماما مع انتهاء سنة قديمه وبداية سنة جديده عشان الواحد ينظم امور حياته شوية خصوصا اني السنة اللي فاتت كانت اول سنة شغل ليا واتعلمت حاجات كتير منها وحاجات تانية اتلغبطت خالص
ادعولنا ان الواحد يقدر يستفيد من الاجازة دي عشان نقدرنكمل في طريق الحياة
هناك ٩ تعليقات:
ربنا معاك يا وائل ان شاء الله
:)
و نفسنا نشوفك
ماشاء الله لا قوة إلا بالله ادع لنا ربنا يفكها علينا بيوم أجازة
24434
ايه يا عم الارقام الكتيرة دي
طب مش تقولنا علي الاسم قبل ماتدينا الرقم
معلش انا فعلا مش عارف انت مين
الاستاذ عصفور المدينة
اولا مرحبا بيك وسعداء جدا بزيارتك
ثانيا انا اخدت الاجازه دي بعد 14 شهر شغل ما خدتش فيهم غير 10 ايام اجازة وكانوا متفرقين يعني قانونا فاضلي من اجازة السنة اللي فاتت 11 يوم وكنت لازم اخدها عشان ماتضعش عليا
دي كل القصة
ومع ذلك يا سيدي ربنا يفرجها عليك با اسبوع اجازه مش يوم واحد
الف مبروووووووووك عليك الاجازة ياجميل
ربنا يوفقك لحسن استغلالها
وتكون بداية صح لسنة جديدة في طريقك للحياة
والارقام الكتيرة ده محمد يحيى
وعقبال الاجازة التانية ونكون مع بعض باذن الله
والاجازة التالتة وتكون مع عروستك باذن الله
سلام يا جميل
مبروك الاجازة
خلينا نشوفك بقى
my24434
لازم اعمل نشرة يعني يا محمد عشان اعرفك
المهم انك وحشنا كتير يا باشا وان شاء الله نتقابل قريبا
السباعي
ازيك يا صديقي
يسمع من بؤك ربنا واجوز واخلص من امثالك بقي
محمد
ازيك يا نجم
يا عم انا تحت امرك
يلا حدد الزمان والمكان
إرسال تعليق